Bu gün, 13:09- Kirayədə qalan şəxs: “Aqil Babayevə 8 il ərzində 14 min 400 manat zəkat vermişəm” – MƏHKƏMƏ PROSESİ FacebookTwitterWhatsAppTelegram
Bu gün, 12:50- Ombudsman 31 Mart - Azərbaycanlıların Soyqırımı Günü ilə əlaqədar bəyanat yayıb
Bu gün, 12:07- Laçında bir neçə hakim yüksəklik, əsas və yardımçı yollar nəzarətə götürülüb - MN
Bu gün, 11:40- Yol polisi havanın kəskin dəyişməsi ilə bağlı sürücülərə xəbərdarlıq etdi
Bu gün, 11:14- Kirayədə qalan şəxs: “Aqil Babayevə 8 il ərzində 14 min 400 manat zəkat vermişəm” – MƏHKƏMƏ PROSESİ
Bu gün, 10:32- İşə düzəltmək adı ilə 200 manat pul alırlar… – GİLEY
Dünən, 17:01- “Nar” ardıcıl 4 ildir, Müştəri Loyallığı İndeksində liderdir
Dünən, 16:28- Dövlətçiliyimizlə bağlı hadisə və faktları heç birimiz unutmarıq
Dünən, 16:00- Moldovanın aviaşirkəti Kişinyovla Bakı arasında birbaşa uçuşlara başlayıb
Dünən, 15:07- 12 yaşayış məntəqəsini birləşdirən avtomobil yolunun tikintisinə 7,8 milyon manat ayrılıb - SƏRƏNCAM
Dünən, 14:44- Kahramanmaraşda fəaliyyət göstərən hərbi tibb personalımız təltif olunub
Dünən, 14:19- TƏBİB Fazil Mustafanın vəziyyəti barədə açıqlama verib
Dünən, 13:53- Vergi ödəyiciləri elektron kabinetə yalnız elektron imza ilə daxil ola biləcəklər
Dünən, 13:00- Sabah yağışlı hava gözlənilir
Dünən, 12:35- Kosmetoloq-lazeroloq Səbinə Vəliyeva:"İstərdim ki, xanımlar öz təbiiliklərini qorusunlar"
Dünən, 12:06- İsrail xarici işlər naziri Azərbaycana səfər edəcək
Dünən, 11:42- Elektrik, qaz və suya qanunsuz qoşulmaya dair cinayət məsuliyyəti müəyyənləşir
Dünən, 11:19- Qazaxıstan hökuməti istefaya gedib
Dünən, 10:51- Fazil Mustafanın son vəziyyəti açıqlanıb
Dünən, 10:24- Messi 100 qol səddini keçən 3-cü futbolçu olub
Bu gün görkəmli müğənni, Xalq artisti Şövkət Ələkbərovanın anım günüdür.
Müğənninin vəfatından 30 il ötməsinə baxmayaraq ifa etdiyi mahnılar ürəklərə yol taparaq yaddaşlarda əbədi həkk olunub. Şövkət Ələkbərova o nadir şəxsiyyətlərdəndir ki, sağlığında özü haqqında xoş təəssürat, dünyasını dəyişəndən sonra isə xoş xatirələr qoyub. Bu isə insanın fəxr etdiyi ən yüksək zirvədir.
Bu gün bənzərsiz ifaları ilə könülləri fəth edən Şövkət Ələkbərovanın möhürünü qoyduğu mahnılar tələbələrinin, tanınmış və gənc sənətçilərin ifasında yenidən səslənir. Onun ifasında dinlədiyimiz hər bir nəğmə harada səslənməsindən asılı olmayaraq bu böyük sənətkarı xatırladır.
1922-ci il oktyabrın 20-də Bakıda dünyaya gələn unudulmaz sənətkar Asəf Zeynallı adına Musiqi Məktəbində Hüseynqulu Sarabskinin sinfini bitirdikdən sonra səhnə yaradıcılığına başlayıb.
1938-1945-ci illərdə Azərbaycan Dövlət Mahnı və Rəqs Ansamblında solist kimi çalışan sənətkar, sonralar M.Maqomayev adına Azərbaycan Dövlət Filarmoniyasının solisti olub. Şövkət Ələkbərovanın ifaçılığı üçün yüksək vokal mədəniyyəti, emosionallıq və lirizm, muğam yaradıcılığı üçün isə məharətli improvizasiya bacarığı səciyyəvi idi.
Üzeyir Hacıbəyli, Səid Rüstəmov, Bülbül kimi sənətkarların diqqətini çəkərək onların xeyir-duasına alan Ş.Ələkbərova ömrünün sonunadək ifası ilə özünü sübut etməklə yanaşı, sənətə əsl sənətkar kimi xidmət göstərib. Onun “Qarabağ şikəstəsi”ni məlahətli səsi ilə mükəmməl səviyyədə ifa etməsi peşəkar musiqi sənətinə gəlişinin əsasını qoydu. Şövkət Ələkbərovanın ifasında səslənən xalq mahnıları, muğamlar, bəstəkar mahnıları Azərbaycanda çox böyük məşhurluq qazandı.
Dünyanın bir çox şəhərlərində uğurla çıxış edən Şövkət Ələkbərovanın repertuarına “Segah”, “Qatar”, “Şahnaz” kimi muğamlar, Azərbaycan bəstəkarlarının və Orta Şərq xalqlarının mahnıları daxil idi. Şövkət xanım haqqında bir çox bəstəkarlarımız, o cümlədən Tofiq Quliyev, Arif Məlikov, Cahangir Cahangirov, Ramiz Mirişli və başqaları öz xatirələrini bölüşüblər. Bu sənət adamlarının dediklərində bir ümumi xətt var. O da Şövkət xanımı əsl professional kimi xarakterizə etməkdir. Burada ümumi bir fikirlə də rastlaşırıq: “Şövkət Ələkbərova istər xalq lirik mahnılarının, istərsə də bəstəkarlarımızın yaratdıqları lirik mahnıların bənzərsiz ifaçısıdır”.
“Dərələr”, “Ağ çiçəyim”, “Bir könül sındırmışam”, “Gedək üzü küləyə”, “Ağlaya-ağlaya”, “Haradasan”, “Məhəbbət”, “Tez gəl”, “Süsən sünbül”, “Dəli Ceyran”, “Ay qadası”, “Yar gəldi”, “Kürdün gözəli”, “Ceyran” və digər onlarla mahnı böyük sənətkarın ifasında möhürlənib. Şövkət xanımın repertuarında olan mahnılarda söz, musiqi və ifa bir-birini tamamlayaraq, vəhdət təşkil edib. Elə buna görə də, müğənninin ifa etdiyi mahnılar ilk ifadan dinləyicilərin ürəklərinə yol taparaq yaddaşlarda dərin iz buraxıb. Onun konsertlərində iştirak edən insanlar etiraf edirlər ki, Şövkət Ələkbərovanın mahnıları dillər əzbəri olduğundan tamaşaçıların dodaqlarının tərpənməsini müşahidə etməmək mümkünsüz idi.
Musiqidə belə bir məqam var ki, xalq tərəfindən sevilən mahnılar zaman keçdikcə xalq mahnıları kimi qəbul olunur. Sözsüz ki, belə mahnıları yaradan sənətkarlar üçün bu, böyük xoşbəxtlikdir. Şövkət xanımın ifa etdiyi mahnılar məhz bu qəbildən idi. Onun mahnıları səsləndikcə Şövkət xanımı da yaşadacaq.