Xəbər verildiyi kimi, ötən gün Azərbaycan ordusunun Zəngilan rayonu istiqamətindəki mövqelərinə qarşı təxribat törədənlər Ermənistanın “Yerkrapa” terror təşkilatının üzvləri olublar.

“Yerkrapa” -terror təşkilatı (Yurdun qoruyucuları) - Birinci Qarabağ müharibəsinin iştirakçıları tərəfindən yaradılmış Ermənistan qeyri-hökumət təşkilatıdır.

Keçmiş müdafiə naziri Vazgen Sarkisyanın təşəbbüsü ilə yaradılmış təşkilatın tərkibi ilk növbədə 6 min erməni müharibə iştirakçısından ibarət olub. Azərbaycanda fəaliyyəti terror təşkilatı kimi dəyərləndirilən bu ittifaqın Ermənistanda böyük və nüfuzlu bir qrup sayılır. “Yerkrapa” Birinci Qarabağ müharibəsində fəal iştirak edib. Sarkisyanın ölümündən sonra “Yerkrapa”nın Ermənistan siyasətində təsiri azalmağa başlayıb.

“Yerkrapa” Ermənistan ordusunun ehtiyat hissəsi rolunu daşıyır. Terror təşkilatı 2016-cı il Aprel döyüşləri, eləcə də İkinci Qarabağ müharibəsi zamanı cəbhə xəttinə minlərlə silahlı könüllü göndərib. “Yerkrapa”nın hazırki komandiri Sasun Mikayılyandır(Caliber.az).

Moderator.az isə xatırladır ki, Vazgen Sarkisyandan sonra “Yerkrapa”nın komandiri 2018-ci ildə qeyri-qanuni yolla silah-sursata sahib olmaqla təqsirlənərək Paşinyan hakimiyyəti tərəfindən həbs edilmiş, I Qarabağ müharibəsinin fəal iştirakçısı, Xocalı soyqırımını törədənlərdən biri, “Tuşonka Manvel” ləqəbli general Manvel Qriqoryan olub. O, İkinci Qarabağ müharibəsi başlayandan sonra Qarabağa gəlib, lakin səhhəti ağırlaşdığına görə oktyabrın 20-si Ermənistana çatdırılaraq xəstəxanalardan birinin reanimasiyasına yerləşdirilib və 2020-ci ilin noyabrında gəbərib. 18 iyun 2018-ci ildə o zaman Azərbaycan Respublikasının Xarici İşlər Nazirliyinin mətbuat xidmətinin rəhbəri olan Hikmət Hacıyev Manvel Qriqoryanın Qarabağ müharibəsində etdiyi cinayətləri işıq üzünə çıxarmışdır...

O da məlumdur ki, general M.Qriqoryan Qarabağ klanının liderləri Xocalı qatilləri olan terrorçu eks-prezidentlər Robert Köçəryan və Serjik Sərkisyanla çox yaxın olub. Belə ki, 2008-ci ilin mart hadisələri zamanı M.Qriqoryan müdafiə nazirinin müavini kimi S.Sərkisyanın prezident seçilməsinə etiraz edən ermənilərin üzərinə qoşun yeridilməsində iştirak edib. S. Sərkisyanın hakimiyyətdə olduğu bütün müddət boyu, o cümlədən prezident seçkilərində onun hakimiyyətini açıq şəkildə dəstəkləmişdir.

Bəlli olduğu kimi, R.Köçəryan və S.Sərkisyan başda olmaqla Qarabağ klanı sovet dövründən- 1988-ci ildən bəri Moskva, “KQB”-“FSB” tərəfindən idarə olunub...

Eləcə də “Yerkrapa”nın hazırkı komandiri general Sasun Mikaelyan da indi Paşinyana yaxın görünsə də, əvvəllər Serjik Sərkisyanla yaxın olmuş, hətta 2007-ci ildə Respublika pratiyasının qurultayında S.Sərkisyanın namizədliyini irəli sürmüşdür. Deməli, “Yerkrapa” ən azı daxilinə yerləşdirilmiş agentlər vasitəsilə Paşinyanı devirmək istəyən Qarabağ klanı, yəni dolayısıyla Kreml tərəfindən Azərbaycanla sərhəddə təxribat törtmək tapşırığı ala bilər...скачать dle 10.6фильмы бесплатно