- Günel xanım, necə oldu ki, bu sahəyə gəldiniz?

- Mən ixtisasca pedaqoqam. Uşaqlarla işləməyi xoşlayıram. Özum də hər zaman arzulamışam ki, özümə aid bir biznesim olsun. Ona görə də bu bağçanı yaratmaq qərarına gəldim.

- Neçə ildir ki, bu sahədəsiniz?

- Artıq bir ildir ki, fəaliyyət göstəririk.

- Bu bağçada uşaqlara hansı xidmətlər təklif edilir? Üstünlüyünüz nədədir?

- Əvvəla, bizim pedaqoqlar çox mükəmməldirlər. Bundan başqa, uşaqların qidalanmasına xüsusi diqqət yetiririk. Bütün qidalar təbiidir. Ayda bir dəfə uşaqların psixoloji diaqnostikası keçirilir. Rus və ingilis dillərinin tədrisinə də üstünlük veririk.

- Hansı yaş qrupuna aid uşaqları qəbul edirsiniz?

- Yerimək iqtidarında olan hər uşağı qəbul edirik. Yaş məhdudiyyəti yoxdur.

- Hansısa bir kampaniya təşkil edirsinizmi?

- Mütəmadi olaraq master-klass və gəzintilər təşkil edirik.

- İş prinsipiniz nədən ibarətdir?

- Ad qazanmaq mənim üçün çox vacibdir.

- Xarakter olaraq necə birisiniz?

- Sevgi dolu, uşaqları çox sevən və mehriban biriyəm.

- Bir mütəxəssis olaraq nəyə "yox" deyirsiniz?

- Uşaqlara verilən qidalara qatqılar qatılmasına qəti surətdə "yox" deyirəm.

- Bağçanızdakı qiymətlər necədir?

- Bir uşaq üçün ortalama 300-350 manatdan başlayır.

- Bir qrupda neçə uşaq var?

- On-on iki uşaqdan ibarət qruplar olur.

- Bir uşağın bağçaya adaptasiya dövrü nə qədərdir?

- Maksimum bir həftəyə uşaq adaptasiya ola bilir.

- Valideynlərə nə məsləhət görərsiniz?

- Mən özüm də valideynem. Valideynlərə məsləhət görərdim ki, həm uşaqların təlim-tərbiyəsi ilə məşğul olsunlar, həm onlara müəyyən qədər sərbəstlik versinlər. Bir də ki, bağça seçərkən yaxşı-yaxşı araşdırsınlar. Bağça uşaqların inkişafı üçün çox vacibdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu qədər sevgi qazanaram. 

Əlaqə nömrəsi: (010) 555 05 15


скачать dle 10.6фильмы бесплатно