- Türkanə xanım, bu sahəyə necə gəldiniz?

- İllərlə doğru qidalanmadığım üçün mədəmdə olan problemlərə görə müalicələr almışam (18 yaşımdan -24 yaşıma kimi) və bu vaxt həddindən artıq ağrılı və əziyyətli idi. Həkim mədə üçün dərman yazırdı, amma "südlə iç, ziyanı olmasın" deyirdi. Bəli, nə qədər qəribə görünsə də, belə bir çətin yollardan keçmişəm. Ta ki, sənətimi seçənə kimi. Müalicələrin gətirdiyi artıq çəki məni narahat edirdi və mankendə olan paltarın əslində mənə də gözəl yaraşa biləcəyini düşünüb geyim otağına girərəkən oradan heç aynaya baxmadan çıxmaq məni yorurdu və beləcə xalamqızın məsləhəti ilə bu sahəyə yönəldim.

- Artıq neçə ildir ki, bu sahədə çalışırsınız?

- 5 ildir ki, bu sahədə fəaliyyət göstərirəm.

- Öz sahəniz üzrə hansı işləri görürsünüz?

- Çəki azaltmaq, çəki almaq, insanların öz çəkisini qoruyub saxlamasına köməklik edirəm. İnstagram sosoial platformasında minlərlə insanın həyatına toxunuş edirəm.

- Son zamanlarda sizə daha çox nə ilə bağlı müraciətlər olur?

- 18-22 yaş arası gənc xanımların artıq çəki ilə bağlı müraciətləri daha çox olur. Və təəssüf ki, toya 1-2 ay qalmış müraciət edirlər, Təbii ki, çoxu cehizə və digər xonçalara daha çox pul ayırıb illər sonra isə kaş vaxtında sizə müarciət edərdim indi, qohumlarla, qaynanamla ailədaxili problemler yaşayıram, deyərək, övlad sahibi olmadıqları üçün aldıqları heç bir mebelin onlara xeyiri dəymədiyini söyləyirlər. Elə buna görə də, "Ən bahalı cehiziniz bədənizdir" adlı bir yazım var.

- Bir mütəxəssis olaraq nəyə "yox", deyirsiniz?

- Dırnaq arası bəzi “ Həkimlərin” artıq çəkili xanımlara arıqlamalısan, çəkin çoxdu demək əvəzinə firma dərmanı satmaq üçün yazdığı yanlış müalicələrin gətirdiyi xanımlarda olan “analıq” hissindən məhrum olmalarına "yox" deyirəm.

- Xarakter olaraq necə birisiniz?

- Məqsədli biriyəm... İçimdə olan gücü bilirəm və o gücün necə güc olduğunun və dəfələrcə nələri edə bildiyini bilirəm, amma tənbəl insan olduğum üçün çox vaxt çox işimi sonra edərəm deyib, bir çox işi etməmədiyimə görə məqsədlərimdə davamlı olmuram.

- Ailəlisinizmi?

- Subayam.

- Oxuculara nə məsləhət görürsünüz?

- Siz dəyişsəniz, hər şey dəyişər.
Aynada gördüyünüz bədəninizi sevmirsinizsə, doğru yol axtararaq öz bədənizlə olan yarışda qalıb olun. Ac qalmaq heç vaxt çıxış yolu deyil. 80% doğru qidalanmaq,20% fiziki aktivliklə kilolarınıza əlvida, yeni həyatınıza xoş gəlmisiniz deyə bilərsiniz.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, minlərlə insanın həyatına gözəl toxunuşlar edərəm. "5 illik həyatımda 10-larla xanıma çəki atmasında doğru yolu göstərdiyim üçün analıq hissini dadıblar. Mən isə ana olmadan nənə olmuşam" (gülür).

Əlaqə nömrəsi: (055) 413 68 93 (Yalnız  whatsapp)





скачать dle 10.6фильмы бесплатно