- Esmira xanım, necə oldu ki, həkim oldunuz?

- Mən həkim deyiləm. Ümumiyyətlə Azərbaycanda Tibb Universitetində defektologiya-loqopediya bölməsi yoxdur və heç vaxtda olmayıb.Düzü bu sualınızı çox eşitmişəm və heç vaxtda təəcüblənmirəm. Azərbaycanda təəsüf ki, bəzi loqopedlər ağ xalat geyinərək gözdən pərdə asmağa çalışırlar. Əlbəttə düzgün fikir deyil və ailələri bu üzrə çaşdırmaq olmaz. Loqoped loqopedik diaqnoz qoyarkən uşağın anamnezindən  tibbi məlumatları rəhbər tutan  pedaqoqdur. Bu, nevropatoloq, otorinolarinqoloq, ortodontist, eləcə də uşaq psixoloqu kimi ixtisasların həkimləri ilə sıx əməkdaşlıq edən mütəxəssisdir. Pozuntuların dəqiq səbəbi, əlbəttə ki, həkim tərəfindən müəyyən edilir. Loqoped  (yunanca logos - nitq və paydea - tərbiyə) böyüklər və uşaqlarda nitq pozuntularını korreksiya edən mütəxəssisdir.
Düzü, Avropa ölkələrində bizim fakultə tibb sahəsinə daxildir. Post Sovet ölkələrində isə təhsil.Azərbaycanın təhsil-səhiyyə sahəsi  hələ də bu sahə üzrə tam qərarını verməyib.
Qaldı ki necə qərara gəldim sualına. Dövlət imtahanı verərkən balım defektologiya bölməsinə düşdü. Bilirsiniz Azərbaycanda yığdığımız ballar gənclərin gələcəyini həll edir.

- Artıq neçə ildir ki, bu sahədəsiniz?

- 2005- ci ildən etibarən çalışıram. Artıq on səkkiz ildir.

- Hal-hazırda harada çalışırsınız?

- 11 saylı xüsusi məktəbdə loqopedem. Eyni zamanda, "Nitq" inkişaf mərkəzinin rəhbəri, "Autizm" qəzetinin redaktoru və loqoped.az saytının təsisçisiyəm.

- Öz sahəniz üzrə hansı işləri görürsünüz?

- Saymaqla bitməz... (gülür)
✓ Azərbaycanda ilk loqopedik mərkəzin təsisçilərindən biri oldum.2009 cu il
✓ Azərbaycanda ilk autizm ictimai birliyin təsisçilərindən biri oldum.2011 ci il
✓ Azərbaycanda ilk autizm.az və ilk loqopedik saytın  loqoped.az təsisçisi oldum.
✓ Azərbaycanda ilk Loqopedlər formunun təsisçilərindən biri oldum. 2014
✓ Azərbaycanı bu sahədə müxtəlif ölkələrin elmi konfranslarında təmsil etmişəm (Rusiya,Türkiyə,Qazaxıstan və s)
✓ Azərbaycanda ilk Disleksiya mütəxəsisi kimi disleksiyaya aid konfranslarda Azərbaycanı təmsil etdim.
✓ 30-a yaxın müxtəlif xarici ölkələrin elmi-praktik konfranslarında çıxan kitablarında məqalələrim dərc olundu.
✓ Türkiyədə ilk loqopedik kitabı işıq üzü görən loqoped oldum (2015)
✓ Azərbaycanda ilk autizm əl kitabçası və Daun sindromu və nitq kitabının müəllifi oldum və s.  Yəni o qədər var ki...

- Son zamanlarda sizə daha çox nə ilə bağlı müraciətlər olur?

- Nitq inkişaf ləngiməsi və psixi nitq inkişaf ləngimə problem ilə

- Bir mütəxəssis olaraq nəyə "yox", deyirsiniz?

- Məsuliyyətsizliyə, zaman düzəldər fikirlərinə, ayrı seçkiliyə, hiperqəyyumluğa "yox" deyirəm.

- Ailəlisinizmi?

- Bəli, ailəliyəm.

- Oxuculara nə məsləhət görürsünüz?

- Məsuliyyətli olun. Necə ki uşağınızı aralıqlı həkimlərə aparırsınız elə də inkişafı üçün loqopedə aparın. Ən azından ildə bir dəfə yoxlanışdan keçirin. Xüsusi olaraq da qeyd etmək istərdim ki, hər bir uşaq 2 yaşa qədər bir dəfə də olsun loqoped yoxlanışında olmalıdır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, arzu etdiklərimin və məqsədlərimin çoxunu edərəm. Həmçinin impreator İbrahim Tatlısəsin yenidən səhnəyə çıxmasında köməyim olar.

Əlaqə nömrəsi: (055) 903 38 16

Loqoped.az


скачать dle 10.6фильмы бесплатно