- Aysel xanım, nece oldu ki, psixoloq oldunuz?

- Mən yeddi il orta məktəbdə çalışmışam. Uşaqları çox sevmişəm. Psixologiyaya marağım hər zaman olub. Övladımın nitq ləngiməsi olduqdan sonra tam qərar verdim ki, psixoloq olacağam. Çünki övladımı psixoloqların yanına apardıqca mən də bir növ bu sahəni mənimsəmişdim. Övladım sağaldıqdan sonra düşündüm ki, mən də başqa uşaqlara kömək olub, valideyinləri özüm kimi sevindirə bilərəm. Ona görə də bu sahəyə gəldim.

- Necə ildir ki, bu sahədə çalışırsınız?

- Artıq alti ildir ki, bu sahədə fəaliyyət gostərirəm.

- Hansı yaş qrupuna aid insanlarla çalışırsınız?

- Hal- hazırda uşaq və yeniyetmələrdə işləyirəm. Amma bir müddət sonra böyük yaş qrupuna aid insanlarla da çalışmağı planlaşdırıram.

- Son zamanlarda sizə daha çox nə ilə bağlı müraciətlər olur?

- Daha çox depressiya, sosial fobiya, azyaşlı uşaqlarda psixi inkişaf ləngiməsi, eyni zamanda diqqət əskikliyi sosial şəbəkə asılılığı və s. problemlərlə bağlı müraciətlər olur.

- Bir psixoloq olaraq nəyə "yox" deyirsiniz?

- Uşaqlara bir fərd və şəxsiyyət kimi yanaşmamağa, onların fikirlərini önəmsəməməyə qəti surətdə "yox" deyirəm.

- Xarakter olaraq necə birisiniz?

- Pozitiv və məqsədyönlü bir insanam. İstədiyim bir şeyə çatana qədər mübarizə aparıram ve onu əldə edirəm.

- Ailəlisinizmi?

- Bəli, ailəliyəm. Bir qızım var.

- Oxuculara nə məsləhət görürsünüz?

- Özlərinə dəyər versinlər, hər zaman öz üzərilərində işləsinlər və onları xoşbəxt edəcək işlərlə məşğul olsunlar. Bir də ki, sosial şəbəkələrdən asılı olmasınlar, zamanlarını daha səmərəli keçirsinlər.

Əlaqə nömrəsi: (070) 280 02 72



скачать dle 10.6фильмы бесплатно