- Aygün xanım, necə oldu ki, pisoxoloq oldunuz?

- Əslində psixoloq olmaq çoxdankı qərarım olmayıb. Polis olmaq istəyirdim. İstədiyim sahədə işləmək üçün psixoloq olmaq qərarına gəldim. Sözün düzü, əvvəldən insanları dinləmək qabiliyyətim var idi. Artıq ikinci kursdan bu sahəyə marağım daha da çoxaldı və fəaliyyət göstərməyə başladım.

- Artıq neçə ildir ki, bu sahədəsiniz?

- On ilə yaxındır ki, bu sahədə fəaliyyət göstərirəm.

- Hansı yaş qrupuna aid insanlarla çalışırsınız?

- İlk təcrübəm azyaşlılarla olub. Hal-hazırda  uşaqlar, yeniyetmələr və böyüklərlə  işləyirəm.

- Son zamanlarda sizə daha çox nə ilə bağlı müraciətlər olur?

- Uşaqlarda daha çox əqli gerilik,  autizm spektr pozuntusu, daun sindromu, psixi inkişafda ləngimə, davranış pozuntuları və s. ilə bağlı müraciətlər olur. Böyüklərdə isə panik-atak, depressiya, obsessiv kompulsiv pozuntu daha çox rast gəlinir.

- İş prinsipiniz nədən ibarətdir?

- Mənim işdə müəyyən qaydalarım var. O qaydalar çərçivəsindən çıxmamağa çalışıram.

- Xarakter olaraq necə birisiniz?

- Bacardığım qədər səbrli olmağa çalışıram. Bu günə qədər heç bir insan işimdə məsuliyyətsiz və ya səbrsiz olduğumu deməyib.

- Ailəlisinizmi?

- Xeyr, subayam.

- Bir psixoloq olaraq nəyə "yox" deyirsiniz?

- Mən reallığı söyləməyi və qarşındakını düşdüyü vəziyyətdən çıxartmağı bacaran psixoloqam. Pasientlər çox vaxt elə bilirlər ki, psixoloqun "sehrli çubuğu" var. Amma elə deyil. Mənim iş vaxtı öz prinsiplərim və qaydalarım var. O qaydalara riayət etmək istəməyənlərə "yox" deyirəm.

- Oxuculara nə məsləhət görürsünüz?

- Son zamanlar aqressiya, stress, yorğunluq çox müşahidə olunur. Əgər sizdə də bu hallar varsa, psixoloqa müraciət etməkdən çəkinməyin. Unutmayın ki, psixoloq sizə öz tövsiyyələrini verir. Ondan necə nəticə çıxartmaq isə sizin öz ixtiyarınıza qalır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu sahəni əvvəl istədiyim sahədən də daha çox istəyərəm və qısa zaman kəsiyində bu qədər uğur əldə edərəm.

Əlaqə nömrəsi: (077) 731 82 02









скачать dle 10.6фильмы бесплатно