- Nuranə xanım, necə oldu ki, bu sahəyə gəldiniz?

- İnsanlar əməliyyat və çapıq izlərindən çox əziyyət çəkirlər. Mən bunu müşahidə etdikcə çox narahat olurdum. Ona görə da bu sahəyə gəldim və şükürlər olsun ki, insanları komplekslərdən azad etməyi bacardıq. Nəticələrimiz çox ürəkaçan oldu.

- Artıq neçə ildir ki, bu sahədəsiniz?

- Ümumilikdə beş il, amma sırf lazer sahəsində isə iki ildir ki, bu sahədə fəaliyyət göstərirəm. Onu da qeyd edim ki, Azərbaycanda bu sahədə çox az mütəxəssis fəaliyyət göstərirdi. İki il bundan öncə bu aparatı demək olar ki, bazara biz çıxartdıq. Hal-hazırda bu sahəni öyrənmək istəyən kifayət qədər insan var. Biz də onlara dəstək olmaq üçün əlimizdən gələnləri edirik.

- Öz sahəniz üzrə hansı işləri icra edirsiniz?

- Akneden sonra yaranan izlərin, Günəşin təsirindən yaranan ləkələr, daxili xəstəliklərin, qəza və əməliyyatların nəticəsində üzdə və bədəndə yaranan ləkələr,  yanıq izləri və s. problemləri aradan qaldırırıq. Bunu da lazerlə dərinin iç qatını yandırmaqla bərpa edirik. Bir növ dərini yeniləyirik.

- Hansı yas qrupuna aid insanlarla çalışırsınız?

- Mən həm bəylər, həm də xanımlarla çalışıram. Bu prosedurları 14 yaşından yuxarı olan bütün pasientlərə icra edirik.

- Son zamanlarda sizə daha çox nə ilə bağlı müraciətlər olur?

- Daha çox kəsiklər, əməliyyatdan sonrakı izlər və capıqlarla bağlı müraciətlər olur. Onu da deyim ki, çapıqların nə zaman yaranmasından asılı olmayaraq, biz o problemləri aradan qaldırırıq.

- Tələbələrimiz varmı?

- Var. Hələ ki, üç tələbəm var. Amma gələcəkdə tələbələrinin sayını artırmağı düşünürəm.

- Xarakter olaraq necə birisiniz?

- Həyatı dolo-dolu yaşayan və pozitiv biriyəm. Bir də ki, hər zaman irəli getmək üçün öz üzərimdə işləməyi xoşlayıram.

- Ailəlisinizmi?

- Xeyr, ailəli deyiləm.

- Bir mütəxəssis olaraq nəyə "yox" deyirsiniz?

- Bəzi həkimlərin pula görə hansısa bir proseduru icra etməyinə və pasientləri aldatmağına qəti surətdə "yox" deyirəm.

- Xanımlara nə məsləhət görürsünüz?

- Həmişə baxımlı olsunlar. Az büdcə ilə də özlərinə qulluq edə bilərlər. Öz gözəlliklərinin qeydinə vaxtında qalsınlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa

- Ağlıma gəlməzdi ki, qısa zamanda bu qədər gözəl nəticələr əldə edə bilərəm.

Əlaqə nömrəsi: (050) 712 37 12









скачать dle 10.6фильмы бесплатно