Bu gün, 10:39- Eyni ruhun iki qüruru
Dünən, 14:36- Antiterror tədbirləri erməniliyin sonu oldu
22-09-2023, 18:34- Antiterror tədbirləri erməniliyin sonu oldu
22-09-2023, 11:49- Tolerant dövlətlər arasında münasibətlər genişlənir
19-09-2023, 17:22- “Nar”dan əla fürsət: Köhnə smartfonunu sərfəli şərtlərlə sat!
19-09-2023, 13:35- Qəzada və mina terroru nəticəsində həlak olan polislərimizin FOTOSU
19-09-2023, 13:08- Sabah 27 dərəcə isti olacaq
19-09-2023, 12:19- Emil Rəhmanov dünyasını dəyişdi
19-09-2023, 11:24- Sülh naminə...
19-09-2023, 10:37- Erməni təxribat-diversiya qrupu DİN əməkdaşlarına qarşı terror aktı törədib - 4 polis həlak olub
19-09-2023, 10:05- Xocavənddə yük avtomobili minaya düşüb, ölənlər var
18-09-2023, 17:00- Ukrayna müdafiə nazirinin bütün müavinləri istefaya göndərildi
18-09-2023, 16:27- Axtarışda olan 3 Azərbaycan vətəndaşı ölkəmizə ekstradisiya edildi
18-09-2023, 15:53- Qudyalçay üzərində yeni körpünün tikintisinə başlanılır
18-09-2023, 15:08- Geomaqnit qasırğası başlayıb
18-09-2023, 14:30- Gəndob–Xaçmaz–Yalama–Rusiya Federasiyası dövlət sərhədi yolunun tikintisi üçün 11 milyon manat ayrılıb - SƏRƏNCAM
18-09-2023, 13:44- Bu gün İranla ABŞ arasında məhbus mübadiləsi baş tutacaq
18-09-2023, 13:19- Elm və Təhsil Nazirliyi tələbə adını qazananlara müraciət edib
18-09-2023, 12:51- FHN-dən qeyri-sabit hava ilə əlaqədar əhaliyə ÇAĞIRIŞ
18-09-2023, 12:22- "Sədərək Yusifin" qardaşı oğlu bloqqer xanımı döyüb videoya çəkdi - Xanım blogger müraciət yaydı
Qafqaz Müsəlmanları İdarəsi Qurban bayramı ilə bağlı fətva verib.
İdarədən verilən məlumata görə, fətvada deyilir:
""Bağışlayan və Mərhəmətli Allahın adı ilə!
Qafqaz Müsəlmanları İdarəsinin Qazılar Şurası İslam aləminə əziz olan mübarək Eyd-əl-Əzha-Qurban bayramı ərəfəsində Bayram Fətvasını xalqımızın və dindarlarımızın diqqətinə təqdim edir və bildirir:
AMEA Şamaxı Astrofizika Rəsədxanasının 2023-cü il hesablamalarına əsasən Azərbаycаn üfüqündə Hilalın görünməsinə uyğun olaraq builki Qurbаn bаyrаmı Zilhiccə ayının 10-na – Miladi təqvimlə 28 iyun tarixinə təsadüf edəcəkdir. Şəriətə uyğun olaraq Qurban kəsimi həmin tarixdən başlayaraq 3 gün davam edə bilər. İyun ayının 28-də məscidlərimizdə Bayram namazı qılınacaqdır.
Qurban bayramı Ülul-əzəm peyğəmbərimiz Həzrət İbrahimin (ə) əhdi və oğlu Həzrət İsmayılın (ə) dəyanəti ilə bəşər tarixində iz qoyan bir gündür. Bu müqəddəs bayram müsəlmanlar arasında ünsiyyəti, həmrəyliyi, yardımlaşmanı, qardaşlıq və dostluğu möhkəmləndirir. Tarix boyu müsəlmanlar:“...Rəbbin üçün namaz qıl və qurban kəs!” (“Kövsər”, 2) ilahi əmrinə riayət edərək Qurban bayramını qeyd edirlər. Vəhdət əqidəsi altında insanları birləşdirən Qurban ibadətinin mahiyyəti barəsində Qurani-Kərimdə belə buyurulur: “Onların (kəsilən qurbanların) nə əti, nə də qanı, əlbəttə, Allaha çatmaz (bununla Allahın razılığına nail ola bilməzsiniz) . Allaha çatacaq olan yalnız sizin təqvanızdır (Allahın rizasını səmimi qəlbdən etdiyiniz ibadətlə və yaxşı əməllərlə əldə edə bilərsiniz)” (“əl-Həcc”, 37).
Qurban bayramına dair hökmlərə və şəri qaydalara əsasən, qurban kəsmək Məkkədə həcc ziyarətini icra edən zəvvarlara vacib buyurulmuşdur. Digər yerlərdə isə maddi imkanı olan adamların qurban kəsməsi bəyənilən əməldir və Həzrət Peyğəmbərin (s) mübarək hədisinə əsasən “Adəm oğlu üçün Qurban bayramı günündə Allah yolunda qurbanlıq kəsməkdən daha gözəl bir əməl ola bilməz”. Adətən qurbanlıq üçün qoyuna üstünlük verilir. Lakin keçi, iribuynuzlu heyvan və dəvəni də qurbanlıq niyyəti ilə kəsmək olar. Qurbankəsmə ayininin təmizlik və sanitariya qaydalarına uyğun şəraitdə, müvafiq icra qurumları tərəfindən təyin olunmuş yerlərdə kəsilməsi məqsədəuyğundur. Şəriət qaydalarına görə, qurban kəsilən heyvan sağlam və kəsimə yararlı olmalı, xəstə və qüsurlu olmamalıdır. Qurbanlıq üçün müəyyən yaş həddinə çatmış heyvanlar kəsilir. Keçi və qoyunun yaşı bir ilə yaxın, öküz və inək iki ildən artıq, dəvənin isə beş ili tamam olmalıdır. Keçi və qoyunu bir nəfər, iribuynuzlu heyvanı isə bir neçə nəfər cəmləşərək kəsə bilər. Borc alıb qurban kəsmək şəriətə uyğun deyildir. Heyvanın üzü qibləyə yönəldilərək Qurban niyyəti ilə sahibi və ya kəsəni tərəfindən Allahın adı çəkilərək kəsilməsi vacibdir, həmçinin qurbanlıq azyaşlı uşaqların və digər heyvanların gözü qarşısında kəsilməməlidir. Qurban ətinin satılması və ya sahibinə gəlir gətirən işlərin görülməsi haramdır. Qurbanlıq əsasən üç hissəyə bölünür: bir hissəni qurban sahibinin özünə götürməsi, ikinci hissənin fəqir və imkansız ailələrə, üçüncü hissəsinin isə hədiyyə kimi qohum-əqrəbaya paylanması tövsiyə olunur. Qurban şükür, səmimiyyət, ixlas və mərhəmət bayramı olduğundan bu mübarək günlərdə valideynlərin və yaxınların ziyarət olunması, qocalara və yetimlərə qayğı göstərilməsi bəyənilən əməllərdəndir.
Əziz qardaş və bacılar! Hədislərdə qeyd olunduğu kimi, Qurban bayramının gecəsi və günü duaların Allah-təala tərəfindən qəbul olduğu zamandır. Bu niyyətlə bu il anadan olmasının 100 illiyini qeyd etdiyimiz, dövlətçiliyimizin qurucusu Ulu Öndər Heydər Əliyevi rəhmətlə yad edir, dövlət başçımız, müzəffər Ali Baş Komandan, Zati-aliləri Prezident İlham Əliyevin, eləcə də ölkəmizin Birinci vitse-prezidenti Mehriban xanım Əliyevanın misilsiz fəaliyyətlərinə Azərbaycan dindarlarının xeyir-dualarını çatdırır, bu mübarək günlərdə onlara və ailələrinə ən böyük İlahi nemət olan cansağlığı diləyirik.
Qafqaz Müsəlmanları İdarəsi və Qazılar Şurası müqəddəs Qurban bayramı münasibətilə dünya müsəlmanlarını və Azərbaycan xalqını, Zəfər sevincimizdə payı olan Şanlı Ordumuzun əsgər və zabitlərini təbrik edir, Allah, Vətən və Zəfər uğrunda canlarını qurban edən şəhidlərimizə rəhmət, qazilərimizə şəfa arzulayır. Allah-Taala dövlətimizə qüdrət, xalqımıza əzəmət, süfrələrimizə bərəkət bəxş etsin! Dua və ibadətləriniz qəbul, Qurban bayramınız mübarək olsun!"