- Aydan xanım, necə oldu ki, bu sahəyə gəldiniz?
- Mən əslində sinxron (rus-ingilis) tərcüməçiyəm. İkinci təhsilim ibtidai sinif müəllimliyidir (rus bölməsi üzrə). Bu sahəyə gəlməyimin əsas səbəbkarı anam olub. Bu işə başlayanda üç şagirdlə başlamışam. İndi isə öz evimdə kurs açmışam. Bunu hər kəs bilir ki, mən heç vaxt maddiyyata önəm verməmişəm.
- Neçə ildir ki, bu sahədəsiniz?
- 2009-cu ildə universitetə qəbul olmuşam. Birinci sinifdən on birinci sinifə qədər Moskva şəhərində oxumuşam. Təxminən on iki ildir ki, bu sahədə fəaliyyət göstərirəm. Özümə məxsus olan kursun rəhbəriyəm.
- Öz sahəniz üzrə hansı işləri icra edirsiniz?
- Mən bir çox təhsil müəssisələrində çalışmısam, onların təhsil sistemi ilə yaxından tanış olmuşam. Mən keçdiyim hər mövzuya uyğun olaraq istəyirəm ki, şagirdlərimə onu canlı şəkildə izah edim, praktik olaraq göstərim. Qeyd edim ki, mənim öz şəxsi səhifəm var. Orada uşaqların fəaliyyətini, bilik və bacarıqlarını paylaşıram.
- İş prinsipiniz nədən ibarətdir?
- Əsas iş prinsipim uşaqlara yaxşı təhsil vermək və onları xoşbəxt etməkdir.
- Xarakter olaraq nəcə birisiniz?
- Dərs zamanı çox sakit, ciddi və ən əsası, uşaqlara özümü sevdirməyi bacaran biriyəm.
- Ailəlisinizmi?
- Bəli, ailəliyəm.
- Oxuculara nə məsləhət görürsünüz?
- Valideynlər çox məsuliyyətli olsunlar, övladları ilə maraqlansınlar. Onlardan "sən yorulmusan?", "müəllim səni danladımı?", suallarını soruşmasınlar. Onlara "bu gün nəsə öyrəndin?", "Qalx, dərslərini oxu" və s. cümlələrlə müraciət etsinlər. Bir də ki, bəzi valideynlər adlı-sanlı müəllim axtarırlar. Yaxşı müəllim tapmaq çox çətindir. Maddiyyatı sevən müəllimi yox, öz işini sevən, işinə hörmət edən bir müəllim axtarmaq lazımdır.
- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.
- Ağlıma gəlməzdi ki, çox hörmətli bir müəllim olaram. Bu işdə mənə dəstək olan anama təşəkkür edirəm.

Əlaqə nömrəsi: (055) 891 57 47