- Gülçin xanım, necə oldu ki, bu sahəyə gəldiniz?

- Mən ixtisasca pedaqoqam. Lakin marağım olmadığı üçün bu sahəyə yönəlmədim. Biznes mənim üçün hər zaman maraqlı olduğuna görə bununla məşğul olmaq qərarına gəldim və xanımlar üçün geyim dükanı açdım. Daha sonra isə bir müddət massaj salonu işlətdim.  Qeyd edim ki, həmişə yalnız xanımlarla işləmişəm. Yolumuz da, ruhumuz da öz təkamülünü keçir. Mən də bir çox yöntəmlərdən keçərək əvvəlki məkanlarda olan xidmətləri başa vurub digər bizneslərimi bağladım və bura gəldim. Hələ masaj salonunun idarəçiliyi ilə məşğul olduğum vaxtlarda məndə bu sahəyə yaradıcılıq həvəsi oyanmışdı və bəzən yaxınlarıma onların çakralarını açmağımı təklif edirdim. Otaqda müəyyən musiqi ayarlayırdım, gözəl şamlar yandırırdım ki, bu da onlara çox müsbət təsir edirdi. O zaman əlimdə reyki enerjisinin ilahi tərəfindən mənə hədiyyə olunduğunun fərqində deyildim. Bunlar bir neçə dəfə təkrarlandı və o insanların da həyatında böyük dəyişikliklər baş verməyə başladı.  Açığı, bu əvvəl məni qorxudurdu, amma sonra anladım ki, mənim toxunuşumla bu insanların həyatında dəyişim və dönüşümlər baş verir. Xaricdə yaşayan bir müəlliməmlə əlaqə saxladım, o mənə məsləhət gördü ki, reyke enerjisinin təlimini alım. Beləliklə, öz üzərimdə işləyə-işləyə bu sahədə fəaliyyət göstərməyə başladım.

- Pasientlərlə nə zamandan işləməyə başlamısınız?

- Artıq 1 ildir ki, pasientlərlə sərbəst şəkildə işləyirəm.

- Öz sahəniz üzrə hansı işləri görürsüz?

- Mən insanlarla daha çox energetik olaraq çalışıram, zatən dünyada olan hər şey, o cümlədən biz də enerjidən ibarətik. Seans növlərimiz isə müxtəlifdir, məsələn, theta-healing seansları edirik. İnsanlar müəyyən bir problemlə yanaşır, o problemin altında yatan, onun yaranma səbəbini və yaxud hansısa işin nəyə görə alınmadığının kökünü tapırıq və pasienti theta dalğasına salmaqla dəyişim edirik. Bu zaman onun şüuraltında olan bütün gerçəklər üzə çıxmış olur.

- İş prinsipiniz nədən ibarətdir?

- İnsanları səbrlə dinləmək, onlara köməklik göstərmək əsas iş prinsipimdir.

- Xarakter olaraq necə birisiz?

- Sadə, hamı ilə yola getməyi bacaran bir insanam.

- Ailəlisinizmi?

- Xeyr, subayam.

- Oxuculara nə tövsiyyə verərdiniz?

- İlk öncə onu deyim ki, hər şey bizim uşaqlığımızla bağlıdır. Bizdə günahlandırma var, lakin nəyinsə günahını başqalarında axtarmayaq, hər kəs birinci özünə dönsün. Bütün səbəblər, bütün kilidlər, bütün açarlar bizim özümüzdədir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa. 

- Ağlıma gəlməzdi ki, tez bir zamanda böyük kütlənin qarşısına çıxaram.

Əlaqə nömrəsi: (055) 308 30 08

скачать dle 10.6фильмы бесплатно