- Elya xanım, necə oldu ki, bu sahəyə gəldiniz?

- Həkim olmaq uşaqlıq arzum olub. Qismət elə oldu ki, kosmetoloq oldum. Nə yaxşı ki, oldum. İşimi həddindən artıq çox sevirəm və həvəslə işləyirəm. Qeyd edim ki, bu saheyə gəlməyimə mənə kömək olan və bu işin incəliklərini mənə öyrədən kosmetoloq Elvar Quluzadəyə minnətdaram. O, mənim üçün Azərbaycanda bir nömrəli kosmetoloqdur.

- Artıq neçə ildir ki, bu sahdəsiniz?

- İyirmi ildən çoxdur  ki, bu sahədə fəaliyyət göstərirəm.

- İş prinsipiniz nədən ibarətdir?

- İşdə davamiyyətli və ciddi olmaq mənim əsas iş prinsipimdir. Təmizliyə xüsusilə diqqət yetirirəm.

- Öz sahəniz üzrə hansı işləri icra edirsiniz?

- Kosmetologiyaya aid bütün prosedurları icra edirəm.

- Son zamanlarda xanımlar sizdən daha çox nə istəyirlər?

- Daha çox burun, dodaq və yanaq dolğusu istəyirlər. Bir də ki, xanımlar hal-hazırda sərt çənə ovalına üstünlük verirler.

- Xarakter olaraq necə birisiniz?

- Mən pozitiv və ünsiyyətcil biriyəm. Bütün pasientlerimlə səmimi və mehribanam. Onlar öz fikirlərini mənimlə çox rahat bir şəkildə bölüşə bilirlər. Bunu özləri də təsdiq edə bilərlər.

- Bir kosmetoloq olaraq nəyə"yox" deyirsiniz?

- Aşırı dərəcədə edilən prosedurlara və süni dolğulara qəti surətdə "yox" deyirəm. Onu da deyim ki, biz özümüz də süni dolğular nəticəsində deformasiyaya uğramış dodağı, burunu və s. bərpa edirik.

- Beynəlxalq konfranslarda iştirak edirsinizmi?

- Fürsət düşdükcə iştirak etməyə çalışıram.

- Bu sahədə görmək istədiyiniz, amma görə bilmədiyiniz məqamlar hansılardır?

- İstərdim ki, kosmetologiya sahəsində yalnız tibbi savadı olan həkimlər çalışsınlar.

- Xanımlara  nə məsləhət görürsünüz?

- Məsləhət görərdim ki,  üzlərinə vaxtında qulluq etsinlər və gözəlliklərinin qeydinə zamanında qalsınlar. Ən azından, müəyyən kosmetoloji prosedurları etsinlər. Vaxtında edilən müdaxilə gələcəkdə yarana biləcək fəsadların qarşısının alınması deməkdir.

- Mən həkim andı içərkən ağlıma gəlməzdi ki, bu fikri özünüz tamamlayın, zəhmət olmasa.

- Ağlıma gəlməzdi ki, mənim bu sahədə bu qədər rəqibim olacaq. Inanmazdım ki, məni gözü götürməyənlərin sayı bu qədər çox olar.




скачать dle 10.6фильмы бесплатно