Azərbaycan, Xəzəryanı ölkə olmaqla böyük balıqçılıq tarixinə sahibdir, lakin müstəqilliyimizin ilk illərində müşahidə edilən hədsiz ovlama, brakonyer özbaşınalığı ilə neft hasilatı ilə qabaran ekoloji problemlərin kəskinləşməsi səbəblərindən Xəzər dənizinin balıq ehtiyyatları tarixi minimum səviyyəsinə çatmaqdadır. Belə olan halda dəniz məhsullarına olan tələbatı qarşılamaq üçün akvakulturanın önəmi artmaqdadır. Təsadüfi deyil ki, son 15-20 ildə dünyada əmtəə akvakulturasının həcmi artmaqdadır və son məlumatlara əsasən, əmtəə balıq bazarının 47%-ni təşkil edir.

Yeni yaradılan Azərbaycan Balıq İstehsalçıları və Emalçıları Assosiasiyası (ABİEA) ölkədə cuzi inkişaf etmiş balıqyetişdirmə sektorunun inkişafına xidmət edəcək fəaliyyətləri gündəmdə saxlanacağını bildirir.

“Hazırda respublikamızda əmtəə balıqçılığı (akvakultura) ilə məşğul olan orta və kiçik fermer təsərrüfatları mövcuddur ki, onların fəaliyyəti olduqca pərakəndə və bəzi hallarda primitiv xarakter daşıyır. Nəticədə bu təsərrüfatlarda yetişdirilən balıqların növü, akvakultura sahəsinin istiqaməti, istehsal olunan məhsulun həcmi və bu sahəyə dair digər məlumatların məhdudluğu yaranır. Bu da öz növbəsində Respublikada akvakultura sahəsinin inkişaf dinamikasının, habelə statistik məlumatların öyrənilməsində ciddi problemlər yaradır. Son zamanlar ölkədə yeni industrial texnologiyaların tədbiq edildiyi iri həcmli, müxtəlif növ balıqların (nərəkimilər, forel, çəkikimilər və s.) yetişdiriləcəyi müəssisələr layihələndirilir və inşa edilir. Bu müəssisələrdə tonlarla qara kürü və min tonlarla balıq istehsalı nəzərdə tutulur, bu da qeyd olunan problemlərin daha da qabarmasına səbəb ola bilər. Vəziyətin tənzimlənməsi üçün akvakultura sahəsində çalışan müxtəlif təyinatlı təsərrüfatların, müəssisələrin, zavodların fəaliyətinin əlaqələndirilməsi, onların müxtəlif dövlət orqanlarında təmsil olunması, xarici əlaqələrin qurulması, müxtəlif çeşidli bioloji materialların mübadiləsi, ixtisaslı mütəxəsislərin hazırlanması və digər məsələlərin həll edilməsi üçün bu müəssisələri birləşdirən müvafiq qurumun təşkil edilməsi zərurəti yarandığından Azərbaycan Balıq İstehsalçıları və Emalçıları Assosiasiyası (ABİEA) təsis edilib”,-deyə təşkilatdan Modern.az-a bildirlib.

ABİEA-nın əsas məqsədi Azərbaycanda balıqçılığın inkişafına dəstək olmaqdan ibarətdir.

Qurumun ilkin araşdırmalarına görə, respublikada 700-dən artıq balıqçılıq təsərrüfatı subyekti akvakultura fəaliyyəti ilə məşğul olur. İri, orta və kiçik təsərrüfat subyektlərindən ibarət olan bu müəssisələri yetişdirdikləri balıq növlərinə görə 3 kateqoriyaya ayırmaq olar. Bunlar nərəkimi balıq növlərinin yetişdirilməsi üzrə ixtisaslaşan və ümumi sayın 5%-ini təşkil edən təsərrüfatlar, 10% civarında olan forel təsərrüfatları və nəhayət əksəriyyət (85%) təşkil edən çəkikimi balıq növlərinin yetişdirildiyi təsərrüfatlardır.

Hazırda Azərbaycanın müxtəlif bölgələrində balıq artırılması, yetişdirilməsi və ilkin emalı ilə məşğul olan 13 şirkət ABİEA-nın üzvlüyünə qəbul edilib.скачать dle 10.6фильмы бесплатно