- Pəricahan xanım, necə oldu ki, bu sahəyə gəldiniz?

- Bu sahəyə ən başda özümü şəfalandırmaqla, öz həyatımı, düşüncələrimi, baxış açımı dəyişməklə başladım. Mən fərqinə vardım ki, bu günə kimi mən öz həyatımı öz düşüncələrimlə, qorxularımla çətinləşdirmişəm. Ən əsası da mentalitetə çox önəm verən bir ailədə böyümüşəm. Həmişə mənim ailəmdə düşüncə tərzi bu olub: qadın evdən çölə tək çıxa bilməz, qadın yüksəkdən gülə bilməz, qadın sakit olmalıdır, hətta qadın təhsil almasa da olar. Ancaq kişi evdə nə desə, o doğrudur və hər hansı bir söz dedikdə sən qardaşından çox bilmirsən, o bilir ətrafda nə danışılır.
Bəlkə şablon olacaq, amma mən uşaqlıqdan sadəcə bunu hiss edirdim: bir gün insanlar məni çox sevəcək. Mən istədiyim, amma ifadə edə bilmədiyim sözləri rahat bir şəkildə ifadə edə biləcəm. Mən bugün bu arzuma nail olmuşam.

- Artıq neçə ildir ki, bu sahədə çalışırsız?

- Üç ildir ki, bu sahəylə maraqlanıram, amma insanlarla sərbəst işləməyə bir ildir başlamışam.

- Öz sahəniz üzrə hansı işləri görürsünüz ?

- İlk olaraq pasiyentlə konsultasiya edirik. O, problemlərini ətraflı olaraq mənə danışır. Daha sonra hansı seansa ehtiyacı olduğunu, onu şəfalandıracağını müəyyən edirəm. Pasiyentin hansı seansa ehiyacı olursa, məsələn: Theta healing, Jaas ( Jean Adrienne Arınma Sistemi). Theta healing- bu seansda şüur altında yaranan səbəbi tapıb onu şəfalandırırıq. Jaas ( Jean Adrienne Arınma Sistemi) bir təsirin səbəbini tapmağımız və onu orada şəfalandırmağımızı mümkün edir. Bu edildikdə təsir bütün zamanlardan təmizlənmiş olur.

- Son zamanlarda sizə daha çox nə ilə bağlı müraciətlər olur?

- Pasiyentlərin çoxu öz sevgisizlik, öz dəyərsizlik və pulla bağlı problemlərə görə mənə müraciət edirlər. Demək olar ki, hər birində uşaqlıqdan ailəsində gördüyü inanclardır və bu problemlərin kök səbəbini taparaq Tetha, Jaas və s. seansların köməyi ilə bilinç altından təmizləyib, şəfalandırırıq.

- Bir mütəxəssis olaraq nəyə "yox" , deyirsiniz?

- Bu sualı birinci oxuduğumda ağlıma gələn ilk cümlə qadın oxumaz, qadın işləməz oldu. Və bunun kimi daha çox saya bilərəm. Ən əsası yazdığım iki fikrə "yox" deyirəm. Qadınlar mənim üçün çox dəyərli və özəldir.

- Xarakter olaraq necə birisiniz?

- Sadə xarakterə sahibəm. Hər kəslə dil tapmağı bacaran və ən əsası da yaxşı bir dinləyiciyəm.

- Ailəlisinizmi ?

- Xeyr, subayam.

- Oxuculara nə məsləhət görürsünüz?

-Oxucularıma məsləhətim burdur ki, özünüzü çox sevin. Həyatınızın mərkəzinə həmişə nə olur olsun, özünüzü qoyun, çünki siz ən dəyərlisiniz. Bunun fərqinə vardığınız zaman həyatınız dəyişəcək.

- Mən bu işə seçərkən ağlıma gəlməzdi ki,... bu fikri özünüz tamamlayın, zəhmət olmasa.

- Bu işi seçərkən ağlıma gəlməzdi ki, yaşadığım hər şeyə, hər çətinliyə minnətdar olacağam və bu qədər insanın sevgisini, duasını qazanacağam.

Əlaqə nömrəsi: (+995 571 14 93 96)


скачать dle 10.6фильмы бесплатно