- Könül xanım, əvvəlcə, təskilatınız barədə bir az məlumat verin, zəhmət olmasa.

- Professional Partners MMC 20.06.2023-cü ildə fəaliyyətə başlayıb. Məqsədimiz cəmiyyətimizə keyfiyyətli xidmət göstərmək, maarifləndirmə işləri aparmaq, online və canlı görüşlər keçirməkdir. Təşkilatımızla bütün sahələrdən olan mütəxəssislər əməkdaşlıq edə bilərlər. Əməkdaşlıq üçün tək şərtimiz, mütəxəssisin məşğul olduğu sahə üzrə ali təhsilinin olmasıdır. Çünki psevdopsixoloqlarla, elmi nəzəriyyədə öz əksini tapmayan yöntəmlərlə məşğul olan insanlarla qətiyyən işbirliyi etmirik.

- Hansı işləri görürsünüz?

- Psixoloqlar, müəllimlər, tələbələr və valideynlər üçün müxtəlif mövzularda görüşlər həyata keçirdirik. İştirakçılarımız bizdən hansısa mövzunu həyata keçirməyimizi istəyəndə, biz bunu mütləq nəzərə alırıq və təşkil edirik. Artıq təşkilatımızda təkcə əməkdaşlarımızın deyil, həmçinin türk psixoloqların da görüşləri təşkil edilir. İştirakçılara yüksək səviyyədə maarifləndirici seminarlar, təlimlər verməklə bərabər, mövzuların materialı, əlavə pdf.lər və əlbəttə ki, rəsmi sertifikat təqdim olunur.

- Deviziniz nədir?

- Bizim devizimiz cəmiyyətə savadlı və təcrübəli mütəxəssisləri təqdim etmək, keyfiyyətli, faydalı işlər görmək, biliklərimizi paylaşmaq və mehriban birlik yaratmaqdır.

- Neçə nəfər üzvünüz var?

- Hal-hazırda təşkilatımızda 10 mütəxəssis fəaliyyət göstərir. Məktəbəqədər təlim tərbiyə üzrə mütəxəssis, metodis Gülnar Əmiraslanova, Məktəb psixoloqları Nigar Bəkirova, Günel Rzayeva, Günel Babayeva, Psixoloq Könül Rəhimova, Psixopedaqoq Çinarə Muradova, Uşaq və yeniyetmə psixoloqları Aydan Xasiyeva, Qəmərxanım Səfərova, Nərgiz İsmayıllı və təşkilatın rəhbəri, ingilis dili müəllimi, uşaq və yeniyetmə psixoloqu Könül Əli Əkbər.

- Sonda nə demək istəyirsiniz?

- Sonda isə onu qeyd etmək istəyirəm ki, bizim təşkilatın seminarlarına, təlimlərinə qoşularaq həm biliklərinizə bilik qatmış olacaqsınız, həm də təcrübəli mütəxəssislərimiz öz praktikalarını sizlərlə bölüşmüş olacaq ki, bu da sizə öz fəaliyyətinizdə bilmədiyiniz nüanslara aydınlıq gətirmək üçün böyük fürsətdir. Düşünürəm ki, hansı sahə olursa olsun, insan hər zaman öz üzərində işləməli, daima özünü inkişaf etdirməlidir. Universiteti qurtarmaqla oxumağı da qurtarmaq olmaz. Muhəmməd peyğəmbərimizin də (s.a.s) dediyi kimi, beşikdən qəbir evinə qədər oxumaq lazımdır. Hər kəsə uğurlar və gözəl günlər arzulayırıq.

Əlaqə nömrəsi: (010) 329 28 81скачать dle 10.6фильмы бесплатно