- Aytac xanım, necə oldu ki, bu sahəyə gəldiniz?

- Mən ixtisasca tarix və coğrafiya müəllimiyəm. Hal-hazırda isə təlimçi kimi fəaliyyət göstərirəm.

- Neçə ildir ki, bu sahədəsiniz?

- Artıq üç ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Üç il ərzində hazırlaşdırdığım müəllimlərin kifayət qədər yaxşı nəticələri olub. Bunu da öz işimin uğuru hesab edirəm. Bundan başqa, müəllimlərin işə qəbulu üzrə bir neçə kitabın müəllifiyəm.

- İş prinsipiniz nədən ibarətdir?

- İnsanları maarifləndirmək və onlara öz istədikləri istiqamətə yönəlməkdə köməklik göstərmək əsas iş prinsipimdir.

- Son zamanlarda sizə daha çox nə ilə bağlı müraciətlər olur?

- Daha çox həm fərdi, həm də qrup təlimləri ilə bağlı müraciətlər olur.

- Bir mütəxəssis olaraq nəyə yox deyirsiniz?

- Haqsızlığa qəti surətdə yox deyirəm.

- Xarakter olaraq necə birisiniz?

- İşimdə məsuliyyətli olmağı sevirəm. Tələbkar insanam.

- Ailəlisinizmi?

- Xeyr, subayam.

- Oxuculara nə məsləhət görürsünüz?

- Hər zaman özlərinin maraq dairəsi olan istiqamətdə gələcək üçün bir plan qursunlar. Onda uğur əldə edə biləcəklər.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, nə zamansa müəyyən bir kütlə arasında tanına
və sevilə bilərəm. Buna görə də özümü şanslı hesab edirəm.

Əlaqə nömrəsi: (050) 449 96 48