- Nuriyyə xanım, necə oldu ki, bu sahəyə gəldiniz?

- Mən müəllim ailəsində dünyaya gəlmişəm. Valideynlərimin hər ikisi müəllimdir. Onlar mənim də müəllim olmağımı istəyirdilər. Mən isə psixoloq olmaq istəyirdim. Ona görə də praktik psixologiyanı seçdim. Həm onların arzusunu yerinə yetirdim, həm də özümün.

- Neçə ildir ki, bu sahədəsiniz?

- İyirmi iki ildir ki, bu sahədə fəaliyyət göstərirəm.

- Öz sahənizə üzrə hansı işləri icra edirsiniz?

- Hər gün uşaqlarla uşaq hüquqları barədə, erkən nikah haqqında, refrudiktiv sağlamlıq və s. movzular barədə söhbətlər aparırıq.

- Söz zamanlarda sizə daha çox nə ilə bağlı müraciətlər olur?

- Uşaqlar daha çox əsəbi və aqressiv olmaqlarından şikayətlənirlər.

- Bir mütəxəssis olaraq nəyə "yox" deyirsiniz?

- Mühahiribələrə, dağıntılara "yox" deyirəm.

- Xarakter olaraq necə birisiniz?

- Psixoloqlar arasında belə bir deyim var ki, hər insana bir psixoloq lazımdırsa, psixoloqların özlərinə iki psixoloq lazımdır. Biz o qədər müxtəlif xarakterli insanlarla rastlaşırıq ki, bizim özümüzə bəzən iki psixoloq lazım olur. Kənardan sakit biri kimi görünürəm. Amma daxilən çox əsəbi adamam.

- Oxuculara nə məsləhət görürsünüz?

- Hər bir insan gün ərzində gördüyü işlərə görə axşam özünə hesabat verməlidir. Mən də belə edirəm. Onda doğrularımı və yalnışlarımı rahatlıqla bilə bilirəm.

- Mən bu sahəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu işi bu qədər çox sevə bilərəm. Çünki ilk başdan əziyyətlərim çox olmuşdu. Amma indi işimi çox sevirəm.

Əlaqə nömrəsi: (050) 423 89 74