Bakı şəhər Mədəniyyət Baş İdarəsi Yasamal rayon MKS-inin Mərkəzi Kitabxanasının əməkdaşı, yazıçı Pərvanə Qarayevanın (Bayramqızı) “Yaza bilməyən yazıçı” adlı kitabı nəşr olundu. Kitab müəllifin son iki il ərzində mətbuatda və saytlarda dərc edilmiş ictimai-sosial həyatın problemlərindən bəhs edən yazılarının məcmusudur. Köşə yazıları və hekayələrində uşaqlarda erkən yaşlarından kitaba maraq oyatmaq qaydalarına, ədəbiyyatın, mütaliənin təbliğinə geniş yer verilmişdir. Müharibə, habelə digər mövzularda yazdığı hekayələrində insanın mənəvi keyfiyyətlərinə, qadın-kişi, övlad-valideyn münasibətlərinə üstünlük verir. Cəmiyyəti təşkil edən fərdlərin davranışlarının qabardılmasını yazıların onurğa sütunu hesab etmək olar. Kitabda Facebook statuslarının da yer alması müəllifin gündəlik həyatımızda baş verənlərə subyektiv yanaşmasını nümayiş etdirir. Yazıçı fərdi yaşantılarını oxuculara nəsrdən əlavə ilk kitabından seçmə şeirlərilə də çatdırır. “Xan” nəşriyyatında çap olunan kitabın redaktoru yazıçı-publisist İntiqam Mehdizadə, korrektoru yazıçı-tərcüməçi Səbuhi Şahmursoydur