Azərbaycan Respublikasının Prezidenti İlham Əliyev 20 Yanvar faciəsinin 30 illiyi ilə əlaqədar Sərəncam imzalayıb. Sərəncama əsasən Azərbaycan Respublikasının ərazisində və ölkəmizin hüdudlarından kənarda 20 Yanvar faciəsinin otuzuncu ildönümünə həsr olunmuş anım mərasimləri və tədbirlər keçirilir.

Bu gün,17 yanvar tarixində Yasamal rayon MKS-inin M.Ş.Vazeh adına Mərkəzi Kitabxanasının əməkdaşları oxucular ilə birlikdə 20 Yanvar hadisələri ilə əlaqədar Şəhidlər Xiyabanını ziyarət etdilər. Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad edib, məzarları üzərinə tər qərənfillər qoydular.

Mərkəzi Kitabxanada 20 Yanvar hadisələrinin 30 illiyinə həsr olunmuş fotostend hazırlanmışdır. Burada 20 Yanvar hadisələrində 147 nəfərin şəhid olması, 700-dən çox insanın yaralanması 20 qadın, 45 qoca və 18 uşağın qətlə yetirilməsi haqqında məlumat verilmişdir.

Bundan başqa, Mərkəzi Kitabxanada 20 Yanvar şəhidlərinə həsr olunmuş kontent-analiz sərgisi, MKS-ə daxil olan kitabxanalarda isə kitab sərgiləri təşkil olunub.