- Qönçə xanım, necə oldu ki, bu sahəyə gəldiniz?

- Əslində jurnalist olmaq istəmişəm həmişə. Niyyətimdə defektoloq-loqoped olmaq yox idi. Lakin tələbəlik illərimdə dərslər tədris olunduğunda içimə bir qığılcım düşməyə başladı. Elə tələbəlik illərindən könüllülük proqramına, təlimlərə qatılmağa başlamışdım. Getdikcədə özümü bu sahədə tapırdım.

- Neçə ildir ki, bu sahədəsiniz?

- Beş ildir ki, bu sahədəy fəaliyyət göstərirəm.

- Öz sahəniz üzrə hansı işləri icra edirsiniz?

- Bütün nitq qüsurları üzərində işləyirəm. Afaziya, serbral iflic, daun, autizm, nil, pnil, dislaliya, kəkələmə və s.

- İş prinsipiniz nədən ibarətdir?

- Hər zaman öz üzərimdə işləyib, yeni biliklər, texnikalar, aparatlar üzərində araşdırmalar edirəm. Loqoped olmaq asan iş deyil hər zaman yenilikləri araşdırmaq, öyrənməliyəm.

- Bir mütəxəssis olaraq nəyə "yox" deyirsiniz?

- Mənim fikrimcə, yox deyə bilməyən həyatda heç nəyə nail ola bilməz. Lakin işimdə valideynlərin övladlarındakı qüsuru görüb də biganə yanaşmağına "yox" deyə bilmirəm. Hər zaman müdaxilə edirəm.

- Son zamanlarda sizə daha çox nə ilə bağlı müraciətlər olur?

- Ən çox kəkələmə və nitq inkişaf geriliyi ilə müraciətlər olunur. Həm də gecikmiş formalarda. Sual verdikdə ki, niyə gecikdirmisiniz? Cavabları isə belə olur: "Qaynanam deyir atası da belə idi, əmisi də belə idi".

- Xarakter olaraq necə birisiniz?

- Tutduğunu qoparan biriyəm, bir o qədər də mərhəmətliyəm (gülür).

- Ailəlisinizmi?

- Əlbətdə ,gələcəyin əsgərlərini böyüdürəm (gülür).

- Oxuculara nə məsləhət görürsünüz?

- Övladlarına biganə yanşmasınlar. Qüsuru gördükləri an mütəxəssisə müraciət etsinlər. Erkən müdaxilə, erkən korreksiyanın əsasını təşkil edir.

- Mən bu sahəni səçərkən ağlıma gəlməzdi ki,.. Bu fikir özünüz tamamlayın, zəhmət olmasa.

- Ağılıma gəlməzdi ki, valideynlərin dualarında, balacaların dilində Qönçə müəllimə olaraq qalaram.

Əlaqə nömrəsi: (055) 581 76 65