- Şahsuvar müəllim, necə oldu ki, bu sahəyə gəldiniz?

- Bakalavr vaxtından qrup yoldaşlarım magistraturaya hazırlaşırdılar. Onların testlərinə mən kömək edirdim. Beləliklə, gördüm ki, məntiqə marağım var və riyazi yönumdən aktivəm. Onun üçün öz üzərimdə çalışdım, məntiqi tam mənimsəyəndən sonra onlayn qaydada dərslər keçməyə başladım. Nəticələrim uğurlu olduqdan sonra kurslardan təklif aldım və orada da əyani şəkildə dərslər keçdim.

- Neçə ildir ki, bu sahədəsiniz?

- Artıq beş ilə yaxındır ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Yeni testlər hazır edirəm, tələbələrin ən çox çətinlik çəkdiyi mövzuların üzərində çox dayanıram. Onların asan anlayacağı dildə materiallar hazırlayıb, onlara təqdim edirəm ki, imtahan vaxtı problem yaşamasınlar.

- Son zamanlarda sizə daha çox nə ilə bağlı müraciətlər olur?

- Daha çox dövlət qulluğu ilə bağlı müraciətlər olur.

- Bir mütəxəssis olaraq nəyə "yox" deyirsiniz?

- Tələbə ilə müəllim arasında bütün sərhədlərin qırılmasına, yersiz səmimiyyətə qəti surətdə "yox", deyirəm.

- Tələbələrə nə məsləhət görürsünüz?

- Məsləhətim hər zaman bu olub ki, dərslərini yaxşı oxusunlar, davamiyyətli olsunlar. Mən hər zaman deyirəm ki, boş zaman yoxdur. Boşa keçən zaman var. Çalışınlar ki, zamanlarını boşa keçirməsinlər.

- Mən bu sahəyə gələrkən ağlıma gəlməzdi ki,.. Bu fikri özünüz tamamlayın,zəhmət olmasa.

- Bu sahəyə gələrkən özümə inanırdım. Şükürlər olsun ki, hər şey yaxşı oldu. Öz uğurlarım özümü sevindirir. Gələcəkdə bundan da böyük uğurlara imza atacağıma inanıram. Bu işi seçərkən ağlıma gəlməzdi ki, düşündüyündən də yaxşı yerlərdə dərslər keçərəm.

Əlaqə nömrəsi: (070) 269 47 47