- Sevda xanım, necə oldu ki, bu sahəyə gəldiniz?

- Seçdiyim müəllimlik peşəsi ilk müəlliməmdən irəli gəlir. Çox sevirdim hərəkətlərini, danışığını, tərzini, uşaqlarla ünsiyyətini. Bir müəllimin başqalarına  örnək olması böyük və ən vacib vəzifələrindən biridir.

- Neçə ildir ki, bu sahədəsiniz?

- Artıq 28 ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Öz sahəm üzrə demək olar ki, çox işlər görürəm.  Məsələn: Şagirdlərin tədrisi, qiymətləndirilməsi, dəstək  və məsləhət, valideynlərlə əlaqə və.s.
Müəllimlik həqiqətən də böyük səbr və sevgi tələb edən bir peşədir. Hər gün bu işləri həyata keçirməklə biz gələcək nəsillərin inkişafına və cəmiyyətin formalaşmasına böyük töhfə  vermiş oluruq.

- İş prinsipiniz nədən ibarətdir?

- Hər gün dürüst olmaq və etibarlılığımı qorumaq,
İşimi yüksək keyfiyyətdə yerinə yetirmək əsas iş prinsipimdir.

- Son zamanlarda sizə daha çox nə ilə bağlı müraciətlər olur?

- Uşaqların diqqət dağınıqlıqları ilə və smartfon telefon bağlılıqları ilə bağlı müraciətlər çox olur.

- Bir müəllim olaraq nəyə "yox" deyirsiniz?

- Bir müəllim olaraq " yox " dediyimiz bəzi məqamlar ola bilər: 1.Ədalətsizlik.
2.Təhqir və zorakılıq.
3.Düşük keyfiyyətli tədris.
4.Təhsilə zidd davranışlar.

- Xarakter olaraq necə birisiniz?

- Xarakteri  daha dəqiq müəyyən etmək üçün bir neçə suallar olmalıdır. Amma ümumilikdə desək pozitiv, ədəb və hörmət, fədakar və sevgi dolu biriyəm, deyə düşünürəm.

- Ailəlisinizmi?

- Ailəliyəm, iki övladım var.

- Oxuculara nə məsləhət görürsünüz?

- Mütəmadi olaraq oxusunlar.  Nəinki oxumaq, oxuduqları hər nə olarsa, onun içərsindəki zənginliklərə diqqət yetirsinlər, ədalətli olsunlar , qayğıkeş olsunlar və s.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, hər bir gün mənə yeni bir şey öyrədər  və mənim dünyagörüşümü genişləndirər. Şagirdlərimin gözlərindəki parıltını, uğurlarının sevincini və inkişaflarını görmək- bunların hamısı bu peşənin ən dəyərli anlarındandır. Əlbəttə, çətinliklər də var, amma hər  bir çətinliyi aşmaq, daha da güclü və peşəkar bir müəllim olmağımı təmin edir.

Əlaqə nömrəsi: (055) 716 24 24