- Nərgiz xanım, necə oldu ki, bu sahəyə gəldiniz?

- Mən küllərimdən "doğmağ"ı bacardım. Həyat çətinliklərdən və inkişafdan ibarətdir. Mənim də çətin anlarımda topladığım biliklər mənə yardımçı oldu. Ümumiyyətlə, mən sosiallaşmağı sevən bir insanam. İnsanlarla maraqlanırdım və müxtəlif sualların cavablarını axtarırdım. Araşdırmalar aparırdım. Son beş ildə bunu peşəkarcasına etdim. İkinci təhsilimi aldım və bu sahədə fəaliyyətə başladım.

- Neçə ildir ki, bu sahədəsiniz?

- Artıq beş ildir ki, bu sahədə fəaliyyət göstərirəm.

- Şüuraltı terapiyalar, şəxsi inkişaf marafonları və s. edirik. Nəticələrimiz çox gözəl olur. Xanımlar özlərini bizim seanslar nəticəsində kəşf edirlər. Qeyd edim ki, bu yaxınlarda qadın klubumuz fəaliyyətə başlayıb. Xanımlardan çoxsaylı mesajlar alıram. Bu da məni çox xoşbəxt edir.

- Son zamanlarda sizə daha çox nə ilə bağlı müraciətlər olur?

- Son zamanlarda stresslərlə bağlı müraciətlər daha çox olur. Biz də seanslarımız nəticəsində xanımların baxış bucaqlarını və hadisəyə reaksiyalarını dəyişə bilirik.

- Bir mütəxəssis olaraq nəyə "yox" deyirsiniz?

- Özlərinə "yox" deyən insanlara, "yox" deyirəm. Bir də ki, insan anı yaşamağı bacarmalıdır.

- Xarakter olaraq necə birisiniz?

- Daha çox şən və pozitiv olmağa çalışıram. Ən azından ətrafımdakılar bunu deyirlər.

- Siz bir kursunuz var. Bu kurs barədə də bir az məlumat verin, zəhmət olmasa.

- Mərkəzimiz dörd sahə üzrə fəaliyyət göstərir - idman, təhsil, psixolojiya və rəsm yaradıcılıq. 5 yaşdan on birinci sinifə qədər olan bütün uşaqlar müraciət edə bilərlər. Hətta xarici dil öyrənmək üçün böyük yaş qrupuna aid olanlar da müraciət edirlər.

- Digər kurslardan üstünlüyünüz nədir?

- Bizim kollektivimiz hər zaman inkişaf edir. Hər bir uşağa individual yanaşırıq. Valideynlərlə emosional kontakt yaxşı qurulur. Biz uşaqlara təhsil verməklə yanaşı, onların bacarıqlarını da üzə çıxardırıq.

- Oxuculara nə məsləhət görürsünüz?

- Hər zaman özlərinə fokuslansınlar. Həyatın mərkəzinə özlərini qoysunlar. Çünki inkişaf insanın özündən başlayır. Biz özümüzü sevsək, insanları da, gördüyümüz işləri də sevəcəyik. İnsan özü ilə xoşbəxt olanda ətrafdakıların hərəkətləri də ona qıcıq verməz.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, xanımlardan bu qədər sosial dəstək alaram.

Əlaqə nömrəsi: (055) 386 89 07