- Aşura xanım, necə oldu ki, bu sahəyə gəldiniz?

- Əslində bu peşəyə gəlmək kimi bir fikrim yox idi. Atamı itirdikdən sonra depressiya yaşadım. Bu depressiyadan özümü çıxartmaq üçün müxtəlif terapiya növləri ilə maraqlandım. Türkiyəli reklam bölməsini gördüm. Düşündüm ki, niyə də olmasın? Beynalxalq dərəcəli “Yaşam Koçluq” dərslərini və təlimilərini
İstanbul Altınbaş universitetinin nəznində olan Boğaziçı Campusda aldım.Müəllimlərim isə
Eğitim Programı Davranış Bilimi Uzmanı Aşkım Kapışmak və Profesyonel Yaşam Koçu Filiz Kılıç olub. Psixoloqiya üzrə isə rusiyanın tanınmış, çox savadlı inteqrativ psixoloq, bədən yönümlü psixoterapevt, hipnoterapevt, 25 illik təcrübəyə malik NLP ustası və dünya adliktologiyası üzrə №1 ekspert, "Образ Мысли "- Mütərəqqi psixologiya məktəbinin banisi, 5000-dən çox məsləhətçi psixoloq tələbəsi olan müəllimim Ruslan Molodtsovdan aldım. Qeyd edim ki, mən əvvəlcə öz üzərimdə çalışmağı düşünürdüm. Amma zaman keçdikcə gördüm ki, məndə insanlarla ünsiyyət çox gözəl alınır və onların həyatlarına toxuna bilərəm. Təhsilimi altı aya bitirdikdən sonra yaşam koçu olaraq fəaliyyət göstərməyə başladım.

- Öz sahənin üzrə hansı işləri icra edirsiniz?

- Artıq üç ildir ki, bu sahədə fəaliyyət göstərirəm.

- Hazırda elə də böyük işlər görməmişəm. Amma öz üzərimdə işləyirəm. İrəlidə böyük layihələrə imza atacağıma inanıram.

- Son zamanlarda sizə daha çox nə ilə bağlı müraciətlər olur?

- Daha çox panik-atak, özgüvənsizlik və düzgün münasibətin qurulması ilə bağlı müraciətlər olur.

- İş prinsipiniz nədən ibarətdir?

- Müştərini qəbul etdikdən sonra onun problemlərini soruşuruq. Sonra isə araşdırıb problemin kökünü tapırıq. Daha sonra isə minimum səkkiz, maksimum on iki görüşdən sonra nəticələrimizi əldə edirik.

- Xarakter olaraq necə birisiniz?

- Realist və nə istədiyimi bilən bir insanam. Bu da mənim işimi asanlaşdırır.

- Ailəlisinizmi?

- Ailəli olmuşam, amma ayrılmışam.

- Bir mütəxəssis olaraq nəyə "yox" deyirsiniz?

- Çox istərdim ki, nikah qurma qanunvericilikdə rəsmi olaraq 25 yaşına qaldırılsın. Çünki əksər ailədaxili problemlərin fonunda gənclərin erkən nikaha girmək dayanır.

- Görmək istədiyiniz, amma görə bilmədiyiniz məqamlar hansılardır?

- İnsanlarda anlamağı və dinləməyi daha çox görmək istərdim. Çünki hər kəs özündən sitat olaraq hər şeyi özünəməxsus şəkildə qəbul edir. Biz qarşımızdakı insanı çox az dinləyirik. Kiminsə problemini maksimum on dəqiqə dinləyə bilirik.

- Oxuculara nə məsləhət görürsünüz?

- Hər kəs öz probleminin üzərində utanmadan, çəkinmədən işləməlidir. Problemə uyğun olaraq mütəxəssilərə vaxtında müraciət olunmalıdır.

- Mən bu peşəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, mən öz balansımı qoruyaraq neytrallığımı saxlaya bilərəm. Bizə müraciət edən insanların hərəsinin bir həyat hekayəsi var. Adi vaxtda biz insanları dinləyərkən həssaslıq göstəririk. Amma bu iş mənə neytral qalmağı öyrətdi və bu da mənim çox xoşuma gələn cəhətlərindən biridir.

Əlaqə nömrəsi: (050) 266 00 38