- Gülnarə xanım, necə oldu ki, bu sahəyə gəldiniz?

- Mən universitetdə oxuyarkən bizim müəllimimiz deyirdi ki, aranızda psixoloq doğulanlar psixoloq olacaq. Onuncu sinifdə oxuyarkən kollecə imtahan vermişdim. Amma getmədim. Vaxt itirmək istəmədim. Məqsədim ali təhsil almaq idi. On birinci sinifdə oxuyarkən hiss etdim ki, insanları yaxşı dinləməyi bacarıram. Ali məktəbə imtahan verərkən psixologiyanı üçüncü yerdə yazmışdım. Qismətdən ora qəbul oldum. İndi düşünürəm, yaxşı ki, psixoloq olmuşam. Onsuz da psixoloq olmasaydım da tibbin hansısa bir sahəsində çalışacaqdım. Öz işimi çox sevirəm.

- Neçə ildir ki, bu sahədəsiniz?

- Mən bakalavrda oxuyanda artıq işləməyə başlamışdım. Müxtəlif kurslarda könüllü olaraq fəaliyyət göstərdim. Ümumilikdə isə səkkiz ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Həm individual (xanımlar və bəylər üçün), həm də ailə və cütlüklər üçün seanslar keçirəm. 12-72 yaş aralığında bütün pasiyentləri qəbul edirəm. Ən yaşlı pasiyentimin 72 yaşı olub.

- Son zamanlarda sizə daha çox nə ilə bağlı müraciətlər olur?

- Daha çox depressiya, halsızlıq, sosial fobiya və s. məsələlərlə bağlı müraciətlər olur.

- İş prinsipiniz nədən ibarətdir?

- Əsas iş prinsipimiz pasiyentin haqqında məlumatları məxfi saxlamaqdır. Bundan başqa, pasiyentlərimə səmimilyi ötürmək mənim üçün vacib olan məqamlardan biridir.

- Nəyə "yox", deyirsiniz?

- Səmimilikdən sui-istifadə etməyə qəti surətdə "yox" deyirəm.

- Xarakter olaraq necə birisiniz?

- Mənim üçün dürüstlük çox önəmlidir. Yalanı sevmirəm. Əsas xarakterim budur.

- Oxuculara nə məsləhət görürsünüz?

- Əgər bir şeyə müdaxilə edib onu düzəldə biliriksə, ona görə narahat olmağa dəyməz. Əgər düzəldə bilmiriksə, yenə də narahat olmaq lazım deyil. Əgər bir şeyi düzəldə və ya düzəldə bilməyəcəksinizsə, sırf ona fokuslanıb özünüzü andan uzaqlaşdırmayın. Çünki həyatın başa məqamlarını qaçırmış ola bilərsiniz.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu qədər insanın həyatına toxuna bilərəm.

Əlaqə nömrəsi: (050) 381 07 31