Təlimçi müəllim Gülay Mehdiyeva: "Şəhid bacısı olmağımla fəxr edirəm"

- Gülay xanım, necə oldu ki, bu sahəyə gəldiniz?

- Müəllim olmaq uşaqlıq arzum olub. Azərbaycan dili müəllimi olmaq istəyirdim. Amma qismət elə gətirdi ki, İngilis dili müəllimi oldum. Astara pedaqoji kollecinin bitirmişəm. Yaxşı ki, müəllim oldum. İşimi çox sevirəm.

- Artıq neçə ildir ki, bu sahədəsiniz?

- On səkkiz ildir ki, bu sahədə fəaliyyət göstərirəm.

- Öz sahənin üzrə hansı işləri icra edirsiniz?

- Altı-yeddi il bundan öncə müəllimlər diaqnostik imtahana cəlb olunurdular. O imtahandan keçəndən sonra qərara aldım ki, öz üzərimdə işləyim. Qasım Əsgərovdan fərdi dərslər aldım. İndi də öz üzərimdə işləyirəm.

- Son zamanlarda sizə daha çox nə ilə bağlı müraciətlər olur?

- Azərbaycan Respublikasının bayraq ordenli şəhidi Sadiq Bağırzadə Şahin oğlu mənim qardaşımdır. O, on səkkiz yaşında Murov dağ yüksəkliyində şəhidlik zirvəsinə ucalıb. Mən onun adı ilə bağlı qruplar yaratmağa başladım. Bu qrupla da kurs halına gəldi. Hal-hazırda bu kursun rəhbəriyəm. Bacım da həmin kursda dərs deyir. Daha çox dərslərlə bağlı müraciətlər olur. Sertifikasiya imtahanına 400-ə yaxın müəllim hazırlaşırdım. Şükür ki, hamısı imtahandan keçdi. Bu da mənim ən böyük uğurumdur. Onu da qeyd edim ki, şəhid qardaşımın adına açdığım kursu əziyyətlə yaratmışam. Qardaşımın adını həmişə yaşatmaq istəyirəm. Arzum budur ki, bir neçə ildən sonra onun adına böyük bir kurs açım. Qeyd edim ki, qardaşım idmançı olub. Atası da onun dərdinə dözmədi. İki aya yaxındır ki, rəhmətə gedib. Qardaşımın yeri hamımızın qəlbindədir. Mən fəxr edirəm ki, elə bir oğulun bacısıyam. Qardaşım mənim işlədiyim məktəbin şagirdi olub. Bu gün fəxr edirəm ki, Astara rayonu, Ərçivan qəsəbəsi, 3 nömrəli məktəbdə işləyirəm və həmin məktəbin adını ucaldıram.

- Xarakter olaraq necə birisiniz?

- Müəllimlərin öz üzərlərində işləməməsinə "yox" deyirəm.

- Xarakter olaraq necə birisiniz?

- Səbirsiz biriyəm. Amma çalışıram ki, bunu işimə yansıtmayım.

- Ailəlisinizmi?

- Bəli, ailəliyəm.

- Oxuculara nə məsləhət görürsünüz?

- Məsləhət görərdim ki, öz işlərindən möhkəm yapışsınlar. Onda uğur qazanmaq daha asan olur.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, mən öz sahəmdə bu qədər tanınaram. Bu qədər şagirdə dərs deyərəm. Fürsətdən istifadə edib valideynlərimə təşəkkür etmək istəyirəm. Çox sağ olsunlar ki, mənə belə tərbiyə veriblər. Ümumiyyətlə, ailəmlə, qohumlarımla, müəllimlərimə fəxr edirəm. Şagirdlərim də məni çox istəyirlər. Mən də onların sevgisindən güc alaraq öz üzərimdə daha çox çalışıram. Bu yolda ən böyük dəstəkçim ailəm və həyat yoldaşımdır.

Əlaqə nömrəsi: (077) 527 21 54