- Günel xanım, necə oldu ki, bu sahəyə gəldiniz?

- Mən müəllim ailəsində böyümüşəm. Atam da, anam da müəllimdir. Amma atam istəyirdi ki, mən həkim olum. Ona görə də qərara aldım ki, həkim olum. Yaxşı ki, olmuşam. İşimi çox sevirəm.

- Neçə ildir ki, bu sahədəsiniz?

- Artıq on ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- İxtisasca terapevtəm. Tibb Universitetini və Rezidenturanı bitirmişəm. Pasiyentlər ilk olaraq bizə ümumi şikayətlər və ağrılarla bağlı müraciət edirlər. Biz də müayinə edib ona uyğun bir müalicə tətbiq edirik.

- Son zamanlarda sizə daha çox nə ilə bağlı müraciətlər olur?

- Daha çox qaraciyərdə, mədəaltı vəzdə, öddə, qabırğa altında olan ağrılarla bağlı müraciətlər olur

- İş prinsipiniz nədən ibarətdir?

- Mənim üçün dürüstlük çox vacibdir. Pasiyentlərimi anlamaq əsas iş prinsipimdir. Bir də ki, düzgün istiqamət və müalicə taktikası qurmağa çalışıram.

- Xarakter olaraq necə birisiniz?

- Səbirli və təmkinli biriyəm.

- Ailəlisinizmi?

- Bəli, ailəliyəm. İki övladım var.

- Bir mütəxəssis olaraq nəyin əleyhinəsiniz?

- Pasiyentə həddindən artıq dərman preparatlarının yazılmasının əleyhinəyəm. Düşünürəm ki, hər hansı bir xəstəliyi iki-üç dərmanla da müalicə etmək olar və edirik də.

- Görmək istədiyiniz, amma görə bilmədiyiniz nədir?

- Pasiyentlər adətən xəstəlikləri gecikdirirlər. Belə halları görmək istəməzdim.

- Oxuculara nə məsləhət görürsünüz?

- Öz sağlamlıqlarının qeydinə qalsınlar. Həkimə vaxtında müraciət etsinlər. Çünki vaxtında olunan müdaxilə gələcəkdə yarana biləcək fəsadların qarşısının alınması deməkdir.

- Mən bu işi seçərkən ağlıma gəlməzdi ki,...Bu fikri özünüz tamamlayın, zəhmət olmasa.

- Bu işin bu qədər çətin olacağını düşünməzdim. İnsanların dərdinə şərik olmaq, bu yükü daşımaq çox ağırdır. Həqiqətən də çox güc tələb edir.

Əlaqə nömrəsi: (050) 538 76 32