- Səkinəxanım xanım, necə oldu ki, bu sahəyə gəldiniz?

- Mən Rəhimova Səkinəxanım Məhərrəm qızı ,1993 -cu ildə Xaçmaz rayonunda anadan olmuşam. Ümumiyyətlə, kitab oxumaqla, təhsil almağa uşaqlıqdan çox böyük sevgim olub. Hələ beş yaşımda kril əlifbasını mükəmməl şəkildə oxuyurdum. Orta məktəbi bitirdikdən sonra, heç bir repititor yanına getmədən ali məktəbə qəbul oldum. Lakin ödənişi əsaslarla qəbul olduğumdan və ailəmizin maddi durumu imkan vermədiyindən ali təhsil almaq niyyətim ürəyimdə qaldı. Təhsilimi kollec üzrə aldım. Bu mənim üçün,çox böyük psixoloji travma idi. Lakin pəs etmədim. Kolleci bitirdikdən sonra, ailə həyatı qurdum. Hər şey istədiyim şəkildə olmadı, çox çətinliklərlə rastlaşdım. Amma təhsil almaq, özümü inkişaf etdirmək niyyətindən heç zaman vaz keçə bilməzdim. 2023-cü ildə MİQ imtahanında iştirak edərək, 100 ballıq sistem üzrə 80 bal toplayaraq Qusar Rayonu Əcəxur kənd orta məktəbində Texnologiya müəllimi olaraq fəaliyyət başladım. Hazırda fəaliyyətimi sevərək davam etdirirəm.

- Öz saheniz üzrə hansı işləri icra edirsiniz?

- Ali təhsil almağı qarşıma məqsəd qoymuşam. Psixologiya üzrə ali təhsil almağa hazırlaşıram.

- Neçə ildir ki, bu sahədəsiniz?

- Bir ildir ki, müəllim olaraq fəaliyyət göstərirəm. Öz sahəm üzrə qabaqcıl innovativ layihələrlə maraqlanıram.

- İş prinsipiniz nədən ibarətdir?

- İş prinsipim öyrənməyi öyrənmək və şagirdlərimin metokoqnitiv bacarıqlarını üzə çıxartmaqdır.

- Son zamanlarda sizə daha çox nə ilə bağlı müraciətlər olur?

- Son zamanlar təhsil sektorunda fəaliyyət göstərən pedaqoji fəaliyyətlə məşğul olan bütün işçilərə bir mövzu maraqlıdır.  Texnologiyanin sürətlə inkişaf etdiyi, 4K bacarıqlarının inkişafınin pik nöqtəsi son həddə çatdığı təqdirdə, şagirdləri təhsilə necə cəlb etmək olar?

- Bir mütəxəssis olaraq nəyə yox deyirsiniz?

- Təhsil sahəsində perspektiv olmayan hər şeyə yox deyirəm.

- Xarakter olaraq necə birisiniz?

- Xarakter olaraq, ünsiyyətcil, emosional, duyğusal, ekstravert biriyəm.

- Ailəlisinizmi?

- Bəli, ailəliyəm. İki övladım var.

- Oxuculara nə məsləhət görürsünüz?

- Oxuculara məsləhətim budur ki, öz hə təhsillərinə yatırım etsinlər. Çünki təhsilə qoyulan investisiya heç bir zaman batmır.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, nə zamansa sizinlə həmsöhbət olaraq fikirlərimi sosiallaşdıra bilərəm (gülür).

Əlaqə nömrəsi: (055) 301 63 91