- Leyla xanım, necə oldu ki, bu sahəyə gəldiniz?

- Psixiatriya ilə mən uşaqlıqdan tanışam. Anam Uşaq Əsəb Dispanserində, gündüz stasionar şöbəsinin müdiri vəzifəsində çalışırdı. Mənim üçün anam hər zaman nümunəvi xanım və işində uğurlu həkim olub. Tibb Universitetində oxuyarkən artıq bilirdim ki, psixiatriyanı seçəcəm. Psixiatriya həmişə məni özünə cəlb edib.

- Neçə ildir ki, bu sahədəsiniz?

- Bu il 12 il tamam olur ki, həkim psixiatr vəzifəsində çalışıram.

- Öz sahəniz üzrə hansı işləri icra edirsiniz?

- Mən iş fəaliyyətimə uşaq psixiatriyası ilə başladım. II Qarabağ Müharibəsindən sonra qazi və şəhid ailələrinə lazımı psixoloji dəstəklərimi əsirgərmirəm.12 il iş fəaliyyətimdə müxtəlif psixi pozuntulara aid məqalələr yazmışam. Özünüinkişaf mənim üçün önəmlidir. Müxtəlif Beynəlxalq konfraslarda, təlimlərdə istirakçı olmuşam. Müasir dövürdə bütün elm sahələri inkişafda oluğu kimi psixiatriyada öz müalicə üsullarında, psixo terapiyalarında ,psixi reabilitasiyasında yeni yanaşmalar mövcüddür. Hər bir işini sevən həkim kimi, məndə öz üzərimdə inkişafa öməmli yer verirəm.

- İş prinsipiniz nədən ibarətdir?

- Bizim pasiyentlərimiz müxtəlif dərəcəli psixi və psixolojı travmaları olan şəxslərdi. Biz psixiatrların ilk iş prinsipi humanistliklə peşəkar dəstəyin vəhtətinin düzgün olmasıdır.

- Son zamanlarda sizə daha çox nə ilə bağlı müraciətlər olur?

- Uşaqlarda ümumi inkişaf pozuntuları, yeniyetmələrdə depresiya, davranış, təşviş, fobiya pozuntuları, böyüklərdə isə postravmalar, adaptasiya pozuntuları və s. kimi psixi pozuntular müşahidə olunur. Zamanında müraciət, düzgün müalicə, düzgün reabilitasiya pasiyentə dinamikasına və onun ailəsinin psixolojı vəziyyətinə önəmli təsir edir.

- Bir mütəxəssis olaraq nəyə "yox" deyirsiniz?

- Gəlin, unutmayayaq ki, mən həkim psixiatrıram və "yox" sözünü iş prosesində protokola əsasən istifadə etməliyəm. Amma istisnalar iş həyatından kənarda "yox" "hə"yə çevrilə bilir. Bilirsiniz ki, iş prosesində düşünürəm ki, "yox" sözü yerində istifadə olunduğu zaman çox dəyərli olur. Ümumiyyətlə, insanlar " yox" deməkdən qorxmasınlar. Bəzən "yox" sözü bizləri qoruyur.

- Xarakter olaraq necə birisiniz?

- Ziyalı ailədə böyüdüyümə görə vətənpərvərlik, məsuliyyət, dünyagörüşlülük , insansevərlik hər an mənim bir parçamdır. Bu keyfiyyətlərə sahib olduğuma görə valideynlərimə çox minnətdaram. Dostlar arasında "Pozitivlik" mənim 2-ci adımdır. İş fəaliyyətimdə gülərüzlüyüm, pozitivliyim, səmimiliyim, mehribanlığım mənə pasiyentlər ilə olan münasibətimə müsbət təsir edir.

- Ailəlisinizmi?

- Bəli, 2 şahzadə və mələk kimi qızlarım var. Psixiatriyada ailə sağlam şəxsiyyətin təməl yeridir. Ailə sağlam olduqca arzular, istəklər,uğurlar sonsuz olur.

- Oxuculara nə məsləhət görürsünüz?

- Psixi Sağlamlığınızı qoruyun! Müasir dövürdə çətin olsa belə, bunu özünüzdə əsas məqsədlərdən biri hesab edin. Sağlam ruh sağlam fikirlərin təməlidir.

- Mən bu işi seçərkən ağlıma gəlməzdi ki,... bu fikri özünüz tamamlayın, zəhmət olmasa.

- Ağlıma gəlməzdi ki, psixiatriyanı bu dərəcə sevəcəyəm və həyatımın əsas hissəsi olacaq. Özümü psixiatriyasız təsəvvür edə bilmirəm.

Əlaqə nömrəsi: (050) 254 54 45скачать dle 10.6фильмы бесплатно