- Səma xanım, necə oldu ki, bu sahəyə gəldiniz?

- Qəbul imtahanında ballarım çıxanda fakültələrə göz gəzdirirdim. Korreksiya-edici təlim(Defektoloq-loqoped) ixtisası qarşıma çıxdı. Bu fakültə haqqında çox geniş məlumatım yox idi. Araşdırdım və mənə çox maraqlı gəldi. Çünki hər zaman uşaqları çox sevmişəm və mən çox sevərək xüsusi qayğıya ehtiyacı olan uşaqlara  kömək olmaq qərarına gəldim.

- Nəçə ildir ki, bu sahədə çalışırsınız?

- Fakültəni doqquz ildir bitirməyimə baxmayaraq, artiq dörd ildir ki, fəaliyyət göstərirəm. Uşaqların mənə olan sevgisini və mənə necə inamla güvənlə baxdığını gördükcə bu işə gec başladığım üçün biraz peşman oluram.

- İş prinsipiniz nədən ibarətdir?

- İş prinsipimdə başlıca rolu sevgi oynayır. Çünki uşaqla mütəxəssis arasında mütləqki sevgi bağı olmalıdır. Nə qədər savadlı işini mükəmməl edən biri olursan ol əgər o bağ uşaqla aranda yoxdursa nəticə ala bilməyəcəksən.

- Öz sahəniz üzə hansı işləri görürsünüz?

- Öz sahəm üzrə hər gün yeniliklər örgənməyə calışıram. Bunu həm Azərbaycan həm xarici (floortime kimi) təlimlərə qoşulmaqla edirəm. Bu təlimlər vasitəsi ilə hər uşağın öz potensialına uyğun korreksiya aparıram və çox uğurlu nəticələr əldə edirəm.

- Son zamanlarda sizə daha çox nə ilə bagli müraciətlər olur?

- Hal-hazırda tez-tez rast gəlinən şikayətlərdən deyərdim ki, birincisi uşaqlarda nitq inkişafının ləngiməsi, geriləməsidir. Müasir dövrdə tv, telefon və bunun kimi bir çox ekran aslılıqı yaradan amillər nitqin inkişafına çox mənfi təsir göstərir və bu nəticələrə gətirib çıxardır.

- Bu sahədə görmək istədiyiniz, amma görmə bilmədiyiniz nələrdir?

- Ən çox görmək istədiyim tərəf odur ki, bu sahədə ancaq ixtisası bitirən mütəxəsislərin çalışmasıdır. Çünki çox həssas bir sahədir, buna görə də öncə ixtisaslı olmaq vacibdir. Çox təəssüf ki, hal-hazırda seminarlara qatılaraq ixtisasçı olmayıb bu sahədə çalışan “mütəxəssis”-lərimiz də var.

- Bir mütəxəssis olaraq nəyə "yox" deyirsiniz?

- Hələ ki, işimdə elə bir durum olmayıb ki, ona yox deyim. Amma gələcəkdə işimlə, ixtisasımla bağlı düzgün olmayan hansısa rəyə əlbəttə ki, "yox" deyərəm. Bu o demək deyil ki “hə”olması gərəkən nəyəsə də “yox”deyərəm xeyr! Öz yerində hər ikisini deməyi bacaran biriyəm. Və hər ikisini çox yaxşı ayırd edirəm.

- Xarakter olaraq necə birisiniz?

- Düzdür, bu kənardan daha yaxşı deyirlər, nəin ki, mənim dilimdən. Hər zaman insanlarla müsbət münasibətə önəm verən biri olmuşam. Şükür, qarşı tərəfdən də bunu görmüşəm. Sadiq olmaq isə ən mühüm cəhətlərimdən biridir. İstər işdə, istər evdə, istərsə də dostluqda…

- Oxuculara nə məsləhət görürsünüz?

- Hər zaman dürüst və düzgün olmağı məsləhət görürəm. Sevdiyiniz işlə, peşəylə məşğul olun ki, nə sizə, nə də qarşınızdakına çətin olmasın.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, bu qədər uşaqların, valideynlərin sevgisini qazana bilərəm. Bir deyim var “yadlar”gəlir “doğma”olur. Həqiqətən mən bu işə başladıqdan sonra doğmalarım daha da artdı. İnsanların gözündəki o sevgini görmək mənə çox böyük xoşbəxtlik verir.

Əlaqə nömrəsi: (051) 306 06 93

Instagram: dəfektoloq_loqoped_semaскачать dle 10.6фильмы бесплатно