Verdiyiniz suallara, danışdığınız sözlərə qarşı diqqətli olun!

Xəlqə ağzın sirrini, hər dəm qılır izhar söz,
Bu nə sirdir kim, olur hər ləhzə yoxdan var söz.
M. Fizuli
Dahi şəxsiyyət bu iki misraya o qədər böyük bir məna sığdırıbki, sadəcə mükəmməl. Sözün, səsin sehrindən söhbət açmaq istəyirəm. Bizi əhatə edən hər şeyin, və bizim özümüzün də enerji olduğu barədə danışmışdıq. Və burdan yola çıxaraq bizim nitqimizin də bir enerji gücü olduğu aşkar olur. Əsl məharət bunu dərk edib, bunun fərqində olub, bu prosesi idarə etməkdir. Belə ki, bəzən tamamən fərqində olmadan özümüzü neqativ hallara yönəldə bilirik. Bu necə baş verir? Bizim nitqimiz bir səs dalğasıdır, və bu dalğa da təbii olaraq yayılma xüsusiyyətinə görə işləyir. Nə zaman ki, biz neqativ cümlələr qururuq, nəyinsə haqqında olumsuz ifadələr işlədirik özümüzü o dalğaya kökləmiş oluruq. Və təbii olaraq ətrafa nə yayırıqsa, onuda özümüzə çəkirik. Əslində çox bəsit və aşkar bir bilgidir.
Hər birimiz dua edirik. Bəs nədir o dua, necə işləyir? Qeyd etdiyim kimi ağzımızdan çıxan hər kəlmənin gücü var. Dua etdiyimiz zaman, biz Yaradanla rabitəyə girib ondan müəyyən istəklərimizin qəbul olunmasını istəyirik. Bu zaman devrəyə bizim qurduğumuz cümlələr və onlara yüklədiyimiz enerji girir. Bəzən öz istəklərimizi belə düzgün ifadə etmirik. Olmusuz cümlələr istifadə edirik. Misal üçün, ən yayğın olanı deyəcəm. Çox insan deyir: "Allah heç kəsə möhtac etməsin", yaxud da " Allah sağlamlıqla sınağa çəkməsin",  və s. Nə edirik biz? İstəmədiyimiz halları dilə gətiririk. Bu düzgün deyil. Bunun yerinə :"Allah bolluq içində həyat nəsib etsin", "Allah sağlıqlı ömür versin" kimi cümlələr işlətmək daha düzgün olardı. Əslində bunlar bizim ata-babalarımızın bildiyi və əməl etdiyi bilgilərdir. Sadəcə zamanla bizim uzaqlaşdığımız, unutduğumuz məlumatlardır. Bu barədə, o qədər atalar sözləri, misallar var ki. "Söz var, dağa çıxarar, söz var dağan salar.", " Hər ağızda bir dua var." və s. Bir məsələdə var(çox eşidirəm onu) : "Qorxduğum başıma gəldi". Heç sual vermisiz niyə? Çünkü qorxduğunuz, istəmədiyiniz şey barədə düşünürsünüz. Enerjinizi ora yönəldirsiniz. Və kainatın cazibə qanuna görə nə haqda düşünürüksə onu da çəkirik həyatımıza. Buna görə də həyatınızda olmasını istədiyiniz, sizi xoşbəxt edən şeylər barədə düşünün.
Suallar isə ən maraqlısıdır. Bəzən özümüz istəmədən, ürəyimizcə olmayan bir hadisəyə şahid oluruq. Və bu zaman fərqində olmadan "bu necə olur?  necə belə hərəkət etmək olar? niyə belə oldu?" kimi suallar veririk. Bu zaman, birinci, kainat bizim bu hadisəni təcrübə etmək istədiyimiz siqnalını alıb, bizə buna oxşar hadisə təqdim edir. Çünkü bizim hər sualımıza cavab verilir. İkinci isə, bu sualları verərək biz həm də "qınama" enerjisini aktivləşdiririk. Və yenədə özümüzü istəmədiyimiz hala yönəltmiş oluruq. Çünkü "qınadığını yaşarsan" kimi bir gerçək var.
Birdə "şükür" məsələsinə də toxunmaq istərdim. Həmişə narazı olan, heç nəyi bəyənməyən, hər şeydə bir "mənfi" tapan insanlarda görürəm. Bu o qədər ağır enerjilərdir ki. Anlayıram, indi problemlər çoxdu, dolanışıq, filan deyə bilərsiz. Amma əslində həyatımızda şükür edəcəyimiz çox şeylər var. Yaşadığımız hər bir an üçün şükranlıqda olmalıyıq. Çünkü şükür enerjisi çox pozitiv bir sahə yaradır, və həyatımıza şükür edəcəyimiz şeyləri çəkir. Məsəlçün, hər səhər oyandığımızda şükür etsək (17 saniyə), biz artıq günümüzü pozitivə kökləmiş olarıq.
Unutmayaq Həyat çox gözəldir, yaşadığımız bütün uğurları və uğursuzluqları ilə, mükafat və çətinlikləri ilə, şənlik və kədəri ilə gözəldir həyat. Sonda bir şeydə demək istəyirəm: "xoşbəxtliyi qıraqda axtarmayın, xoşbəxtliyin mənbəyi olun". "Həyatımız" dediyimiz layihənin memarı biz özümüzük. "Niyyətiniz hara mənziliniz ora"
Yaşamımızın sağlıq və firavanlıq içində, möcüzələrlə, gözəlliklərlə dolu olması, arzularımızın hər zaman ən xeyirli və ali şəkildə həyata keçməsi diləyi ilə, sevgilərlə. Allaha əmanət olun!

Əlaqə nömrəsi: (050) 301 50 04