- Marcina xanım, necə oldu ki, bu sahəyə gəldiniz?

- Gənc yaşlarımda, internet və sosial mediya bu gədər inkişafda olmadığı zamanlarda, özümün özüm kimi bir kouça çox ehtiyacım var idi. Amma yox idi. Kitablar, məqələlər çətinliklə tapılırdı. O zamandan niyət etdim ki, özüm belə biri olmalıyam.
Və eyni zamanda Dubayda yaşayıb, orda sərbəst öz işimi qurmaq arzum var idi.
Demək ki, iki arzum bir birinə bağlı idi. Mən insanlara onlara lazım olanı verdim, onlar isə mənə lazım olanı verdilər (gülür).

- Artıq neçə ildir ki, bu sahədə çalışırsınız?

- Altı ildən çoxdur ki, bu sahədə çalışıram.

- İş prinsipiniz nədən ibarətdir?


-Bu yaxınlarda bir ifadəni dərk etdim:
«Allahın bizim əllərimizdən, başqa əlləri yoxdur»
Biz hamımız bir birimizə bağlıyıq və hər birimizin funksiyası bölüşməkdir. Kimsə biliklə, kimsə təcrübə ilə, kimsə pulla, kimsə bacarıqları ilə.
«bölüşmək» = «dəyişdirmək»
Mən sizə nəsə verirəm ki, sizdən nəsə alım və əksinə. Bu həyatın qanunudur.
Və bu zaman ən önəmli qayda: istədiyimi almaq üçün, sizs lazım olani ötürməkdir.

Yəni ki, fokusum öncə sizə olmalıdır.

Mənim uğurlu və gündəmdə olmağımın səbəbi, insanlar üçün yaratmaqdır. Onlar istədiyini, onlara lazım olanı verməkdir və təbiiki ki, qarşılığında onlar da məni dəstəkləyir.

- Öz sahəniz üzrə hansı işləri görürsünüz?

- Mənim sahəm 2 yerə bölünür: online və offline.

Cinsi sağlamlıq, münasibət, enerji, şəxsi inkişaf daha çox online platformada öz yerini tutub
Mənim insta səhifəmdə 79 min izləyici hər gün faydalı bilik, fikir, məlumat alır.
Kurslarımda, marafonlarımda, təlimlərimdə 12 000 çox məmnun qalan qadınlariştirak edib.

Offline-da isə daha çox daxili duruma, travmaların şəfalandırılmasına, enerji və karma təmizliyinə üstünlük veririk.

- Son zamanlarda sizə daha çox nə ilə bağlı müraciətlər olur?

- Münasibət mövzusu hər zaman gündəmdədir və ilk pilləni tutur. Amma belə hiss edirəm ki, getdikcə şəxsi inkişafa üstünlük veriləcək, çünki müraciyətlər çoxalıb.
Belə ki, artıq demək olar ki, hamıya bunun önəmliyi aydındır. İlk növbədə özümüzü şəfalandırmalıyıq, sonra münasibəti düşünməliyik.

- Bu sahədə görmək istədiyiniz, amma görə bilmədiyiniz nələrdir?

- Dövlət tərəfindən daha çox dəstək!
Psixoloji sağlam insanlar, güclü dövlət müəyyən edir.
Misal üçün mənə aydın deyil, nədən evlilik, uşaq dünyaya gətirmək adi bir haldır, amma boşanmaq üçün psixoloji seans keçmək lazımdır?!
Sonra isə travmalı uşağlar gəpik-gəpik pul yığıb qeyri-psixoloji sağlam valideyinlərin travmalarını təmizləməklə məşquldur.


- Bir mütəxəssis olaraq "yox", deyirsiniz?

- Çox. Hər kəs bu sözü istifadə etməyə öyrənsə, həyatında 180 dərəcə müsbət tərəfə dəyişiklik görəcək.

- Xarakterinizin hansı cəhətləri sizə daha çox kömək edir?

- İnam və cəsarət. Hamı skeptik olduğu zaman, öz daxili səsin ardınca gedə bilirəm və hələki yanılmamışam. Belə ki, yaradanın məni dəstəkləməsinə sonsuz gədər inamım var.
Səbr. Bəzən biz istədiyimizə çatmırıq, çünki hələki vaxtı deyil. Uşağın dünyaya gəlməsi üçün 9 ay lazımdır. Məqsədlərimizdədə eyni.
Maraq. Mütəxəssis olduğum sahədə 1 nömrə olmağımın səbəbi, hər daim maraqlanıb, inkişaf eləkdir. Nəyisə genişləndirmək, nəyisə dəyişdirmək. Bu da hər zaman aktual olub, hər mövzuya anlayışla yanaşmaq imkan verir.

- Oxuculara nə məsləhət görürsünüz?

- Hər zaman özünüzə inanın. Kiminsə ürək-dirək verməyini gözləmədən hərəkət edin. Yaxşı halda qazanacaqsız, pis halda təcrübəniz artacaq.
Öz inkişafınıza yatırım edin. Sizə aid olanı heç kəs əlinizdən ala bilməz. Geniş düşüncəli, bilikli insan, dünyanın hər nöqtəsində özünə yer tapacaq.
Heç bir insan, özünü itirməyinə, həyatını boşa verməyə dəyməz. Siz özünüzdə tək və yeganəsiz.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Çox düşündüm bu ifadənin üstündə, elə buna görə də məqələnin çıxması nə qədər ləngdi (gülür). Amma bitirə bilmədim.
Mən bilirəm nə istəyirəm və nəyə doğru gedirəm. Ürəyimdə Allaha qarşı sonsuz gədər inam və sevgi olduğu üçün əminəm ki, mənə ən doğru və yaxşısını verir.
Və mən bunları təşəkkür və laiq olduğum hissi ilə qəbul edirəm.

Instagram: womub_jeena