- Hilalə xanım,necə oldu ki,bu sahəyə gəldiniz?

- Müəllim ailəsində doğulmuşam.Rəhmətlik atam Cumayev Fəxrəddin Azərbaycan dili və ədəbiyyat müəllimi olub.Bu sahəyə ilk istəyim burdan yaranıb.

- Neçə ildir ki, bu sahədəsiniz?

- 2009 -cu ildən bəri bu sahədə çalışıram.

- Öz sahənin üzrə hansı işləri icra edirsiniz?

- İngilis dili müəllimi olaraq daima inkişafdayam. Tez- tez xarici ölkələrdə dil təlimlərində,konfranslarda və inkişaf proqramlarında oluram. Qabaqcıl müəllim, fəal müəllim kimi fəxri fərmanlarla təltif olunmuşam.

- İş prinsipiniz nədən ibarətdir?

- İş prinsipim səmərəli formada dili şagirdlərə öyrətmək,distiplinli,düzgün ünsiyyət,valideynlərlə ünsiyyət,psixoloji danışıqlardan ibarətdir.

- Hansı yaş qrupuna aid şagirdlərlə çalışırsınız?

- Əsasən 10-17 yaş arası məktəblilərlə çalışıram.

- Son zamanlarda sizə daha çox nə ilə bağlı müraciətlər olur?

- Son zamanlar abituriyent hazırlığı və bununla paralel dil öyrənmə, bir də xaricdə təhsil və dil kursu keçməklə bağlı müraciətlər olur.

- Bir mütəxəssis olaraq nəyə "yox" deyirsiniz?

- Savadsızlığa, sosial yönümlü olmamağa, övladlarımızı təhsildən yayındırmağa, tez ailə həyatı qurmağa qəti surətdə "yox" deyirəm.

- Xarakter olaraq necə birisiniz?

- Mülayim,xoş xasiyyətli,xoş niyyətli,pozitiv,həyatı sevən biriyəm.

- Ailəlisinizmi?

- Bəli, ailəliyəm.

- Oxuculara nə məsləhət görürsünüz?

- Hər zaman həyata baxış pəncərəniz düzgün olsun,düzgün fikirləşib,qərar verməyi bacarasız,arzu istəkləriniz üçün həmişə mübarizə aparasınız.

- Mən bu sahəyə gələrkən ağlıma gəlməzdi ki,.. Bu fikri özünüz tamamlayın, zəhmət olmasa.

- Öz sferamda bu qədər uğur əldə edəcəyim,seviləcəyim,cəmiyyətə faydalı olacağım ağlıma gəlməzdi.

Əlaqə nömrəsi: (070) 579 30 36