- Səmayə xanım, necə oldu ki, bu sahəyə gəldiniz?

- Mən orta məktəbi Moskva şəhərində, bakalavrı və magistrı isə Bakı Dövlət Universitetində bitirmişəm. Hal-hazırda doktorantam. İşimi çox sevirəm.

- Neçə ildir ki, bu sahədəsiniz?

- Altı ilə yaxındır ki, bu sahədə çalışıram.

- Öz sahənin üzrə hansı işləri icra edirsiniz?

- Mən hazırda Bakı-İstanbul liseyində ibtidai siniflər (ingilis-dili bölməsi) üzrə direktor müavini vəzifəsində çalışıram.

- Sizin üçün işinizdə vacib olan nədir?

- Biz çalışırıq ki, bizim məktəbimizdə şagirdlər xoşbəxt olsunlar. Bir şagirdin akademik göstəricilərinin yaxşı olması üçün onun psixoloji vəziyyəti yerində olmalıdır. Biz bunu dəfələrlə müşahidə etmişik. Məsələn əlaçı bir şagird elə olurdu ki, gün ərzində heç bir şeyə cavab vermək istəmir. Onu danışdırdıqdan sonra məlum olurdu ki, səhər evdə valideynləri ilə emosional bir problem yaşayıb.

- Bir dili öyrənmək üçün ilk növbədə nə lazımdır?

- Birinci növbədə motivasiya lazımdır. Məsələn bir tələbə magisturaturaya qəbul olmağı qarşısına məqsəd qoyubsa, o, yaxşı çalışa, mütləq şəkildə öz istəyinə nail olacaq. Bir də ki, insanlara ünsiyyət qurmaq çox vacibdir. Mən hər zaman deyirəm ki, öyrənilən hər yeni dil həmin ölkəyə açılan bir "qapı" dır. Çünki bir ölkənin dilini öyrənərkən həmin ölkənin tarixini, mədəniyyətini və s. öyrənmiş oluruq.

- Bəzi kurslar var ki, tələbəyə ingilis-dilini altı ay ərzində öyrədəcəklərinə zəmanət verirlər. Buna münasibətiniz necədir?

- Məncə, dünayanın ən asan dilini də altı aya tam mənimsəmək olmaz. Hansısa bir səviyyəyə çatmaq olar, lakin tam bilmək qeyri-mümkündür. Çünki hər hansısa bir dildə səlis danışmaq  üçün zaman lazımdır. Bir də ki, müəyyən bir səviyyəyə çatmaq üçün səbr etmək vacib şərtdir.

- Xarakter olaraq necə birisiniz?

- Mən işdə daha səbrli və təmkinli yəm. Amma həmin səbri evdə  övladlarıma qarşı göstərə bilmirəm (gülür).

- Ailəlisinizmi?

- Bəli, ailəliyəm. Üç övladım var.

- Hər bir şagird xoşbəxt olmalıdır. Bu da qiymətə bağlı olan bir şey deyil. Biz övladlarımızı hər bir qiymətlə qəbul etməliyik. Çünki uşaqlar ayrı ruh sahibləridir. Onların öz yolları var. Biz onu bilə bilmərik. Bəzən orta məktəbdə yaxşı qiymətlər almayan bir şagird gələcəkdə yüksək bir məqama, bir vəzifəyə sahib olur. Ona görə də hər bir valideyn uşağa güvənməlidir və öz gücünə potensialına inanmalıdır. Valideynləri tərəfindən sevildiyindən əmin olmalıdır. O zaman hər şey öz qaydasında olacaq.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bu peşə mənim həyatıma çevriləcək.

Əlaqə nömrəsi: (055) 252 22 45
скачать dle 10.6фильмы бесплатно