- Cəmilə xanım, necə oldu ki, bu sahəyə gəldiniz?

- Mən ixtisasca həkim pediatram. Uşaqlıqdan həkim olmaq, insanlara şəfa vermək arzum olub.Artıq instut illərindən insanın fiziki bədəni ilə yanaşı, psixologiasını daha dərindən öyrənməyə marağım artdı. Ona görə də, psixologiyanı seçdim.

- Neçə ildir ki, bu sahədəsiniz?

- 8 ildir ki, psixoloq kimi fəaliyyət göstərirəm.

- İş prinsipiniz nədən ibarətdir?

- İş prinsipim insanları düzgün olmayan düşüncələrdən azad etmək, sağlam ruh və şüuraltını düzgün yönəldə bilməyə kömək etməkdir.

- Bir neçə sahə ilə məşğul olursunuz. Daha çox hansına üstünlük verirsiniz?

- Həkim, psixoloq, yaşam koçu və Alternativ psixologiya. Bir-biri ilə əlaqəli olduqları üçün, mənim üçün hərəsinin özünə məxsus yeri var.

- Hansı yaş qurupları ilə işləyirsiniz?

- Həm uşaq, həm də böyüklərlə işləyirəm.

- Son zamanlarda sizə daha çox nə ilə bağlı müraciətlər olur?

- Böyüklər ailə daxili münaqişələr, uşaqlar isə ailələrindən aldığı travmalardan dolayı özünə qapanma və qorxular ilə bağlı daha çox müraciət edirlər.

- Bir mütəxəssis olaraq nəyə "yox" deyirsiniz?

- Bir mütəxəssis olaraq şiddət, təcavüz və valideyinlərin arzulayıb lakin reallaşdıra bilmədiyi xəyallarını, məcburən uşaqlarına tədbiq etməklərinə "yox" deyirəm.

- Xarakter olaraq necə birisiniz?

- Sakit, səbirli, məksədyönlü biriyəm.

- Ailəlisinizmi?

- Bəli, ailəliyəm. Üç övladım var.

- Oxuculara nə məsləhət görürsünüz?

- Oxucularımıza fiziki sağlamlıqlarının qeydinə qaldıqları kimi, psixoloji sağlamlıqlarınında qeydinə qalmağı məsləhət görərdim.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma belə gəlməzdi ki, pasientlərdən eşitdiyim həyat hekayələri bu qədər acımasız, ürək ağrıdan olacaq.

Əlaqə nömrəsi: (050) 558 06 05скачать dle 10.6фильмы бесплатно