- Aysuliw xanım, necə oldu ki, bu sahəyə gəldiniz?

- Mənim anam da həkimdir. Uşaq vaxtından iynə vurmağı çox xoşlayırdım. Anamdan hər gün insan orqanları haqqında çox məlumat alırdım və mənə çox maraqlı gəlirdi. Hətta iki uşaq oyuncağım var idi. Birinin adını vena, digərinin isə arteriya idi (gülür).

- Neçə ildir ki, bu sahədəsiniz?

- Artiq 9 ildir ki, həkim kimi fəaliyyət göstərirəm. Cərrah sektorunda çalışırsam.

- Öz sahəniz üzrə hansı işləri icra edirsiniz?

- Üzdə cərrahi və bədənşəkilləndirmə əməliyyatları icra edirik.

- İş prinsipiniz nədən ibarətdir?

- Üz gərmə, qaş qaldırma və bədəni artıq lokallaşmış piylərdən azad etmək əsas iş prinsipimizdir.

- Son zamanlarda sizə daha çox nə ilə bağlı müraciətlər olur?

- Son zamanlar göz üsti blefero əməliyyatına tələbat çoxalıb. Cavan və yaşlı xanımlar gözüstü qrija və artıq dəridən azad olmağa çalışırlar. Və bununla ən azı 10-15 yaş cavan görünüşə sahib olurlar xanımlarımız.

- Bir mütəxəsiss olaraq nəyə "yox", deyirsiniz?

- Ən çox suni, sintetik dolğulara "yox" deyirəm. Çünki çox xanımlar süni dolğulardan əziyyət çəkirlər. Fibrozlaşma xanımlarımıza hədsiz pis diskomfort verir.

- Xarakter olaraq necə birisiniz?

- Çox mehriban və çox xoş xarakterli və ən əsası çox səbirli insanam. Çunki pasiyentlərə dərmandan çox bizim yanaşmamız vacibdir.

- Ailəlisinizmi?

- Bəli, ailəliyəm. Hətta qızım da ümümi cərrahiyyə ixtisasına hazırlaşır.

- Oxuculara nə məsləhət görürsünüz?

- Bir həkim olaraq onlara məsləhətim və yaxud xahişim odur ki, çox çəki almamağa çalışsınlar. Artıq çəki hər bir orqana ziyandır.

- Mən bu işi seçərkən ağlıma gəlməzdi ki,.. Bu fikri özünüz, tamamlayın, zəhmət olmasa.

- Mən bu sahəni seçərkan ağlıma gəlməzdi ki, həkimlər bəzən yuxusuz qalmalıdırlar. Ağır xəstələrimiz olanda səhhətləri ilə bağlı bizim onlarla birlikdə keçirdiyimiz yuxusuz gecələr çox olub.

Əlaqə nömrəsi: (070) 884 77 73