- Gülsanə xanım, necə oldu ki, bu sahəyə gəldiniz?

- Özüm İqtisad universitetini bakalavr və magistr pillələrini bitirməyimə baxmayaraq, Riyaziyyata həvəsim məktəb zamanımdan olub. Bunu mənə sinif rəhbərim sevdirib. Əslində uşaqlıq arzum həkim olmaq idi, amma alınmadı. Ona görə də özümü bu sahədə sınamağı qərara aldım. 5 il bundan öncə təlimi aldım. Həmin zaman Azərbaycanda Mental Arifmetika o qədər maraq dairəsində deyildi. O zamandan hə müəllim, həm də şagird hazırlığı ilə məşğul olamağa başladım.

- Artıq neçə ildir ki, bu sahədə çalışırsınız?

- 2018-ci ildən təlimi alıb, 2019-cu ildən bu sahə ilə məşğulam.

- Öz sahəniz üzrə hansı işləri görürsünüz?

- Dəfələrlə müxtəlif müsabiqələrdə iştirak etmişəm. Mental Arifmetika üzrə ümumi proqramı əhatə edən, yəni toplama çıxma, vurma bölmə kitablarının müəllifiyəm. 1 ildən artıqdır Mental arifmetika üzrə tədris mərkəzi açıb, oranın rəhbərliyini edirəm. Liseylərdə Memtal Arifmetika üzrə dərnəklər açaraq fəaliiyyət göstərirəm.

- Son zamanlarda sizə daha çox nə ilə bağlı müraciətlər olur?

- İndiki məktəblilərimizin problemi diqqət yayınıqlığı və yaddaşsızlıqla bağlıdır. Bunun üçündə valideynləri narahat olub övladlarını sürətli hesablayıb, diqqət yayınıqlığını aradan qaldırmaq üçün müraciət edirlər.

- Bir mütəxəssis olaraq nəyə "yox", deyirsiniz?

- Müəllimlərin şagirdlərin savadlarını bildiyi halda yazılan şişirtmə qiymətlərə "yox" deyirəm.

- Xarakter olaraq necə birisiniz?

- Kənardan sərt biri kimi görünsəm də, hər insanın dilindən anlayan, onun xarakterinə uyğunlaşan biriyəm. Uşaq ilə uşaqlaşmağı bacaran xasiyyətə sahibəm. Xarakter olaraq mülayim, ünsiyyətcil, qarşımdakılara qarşı olduqca səbrli, peşəsini sevən, pozitiv, çalışqan, innovativ, məqsədli, çətin olan hər şeyi sevən, fərqliliyi sevən, nə istədiyini bilən, israrlı, bir az inadçı, tez inanan, dostcanlı, etibarlı, yalanı bağışlamayan, tez inanan, qarşındakına dəyər verən, sahiblənən biriyəm. 

- Ailəlisinizmi?

- Bəli. 3 oğul övladım var.

- Oxuculara nə məsləhət görürsünüz?

- Oxucularızama demək istəyirəm ki, həyatdan nə istədiyini bilən, məqsədli, istəyinə doğru qarşısına çıxan bütün maneələri yorulmadan, inancla dəf etməyi bacaran olsunlar! Pozitiv qalsınlar. Həyata bütün şərtlər altında,hər şeyə inad gülümsəyin ki, o da sizə gülümsəsin!

- Mən bu işi seçərkən əmin idim ki,.. Bu fikri özünüz tamamlayın, zəhmət olmasa.

- Mən bu işi seçərkən, əmin idim ki, zaman gələcək, bu sahədə seçilənlərdən olub öz dəstixəttim ilə addım atıb zirvəyə yüksələcəm. Bu sahədə planlarım çox olsa da onun çoxunu həyata keçirmişəm. Zaman gələcək əminliklə deyə bilərəm ki, Mental Arifmetika deyildikdə ilk adı çəkilən müəllim mən olacam.
Stiv Jobsun belə bir deyimi var: böyük iş görə bilmənin yalnızca bir üsulu var, o işi sevməniz mən bütün uğurlarımı daxilimdə işlərimə olan sevgiyə borcluyam, ən yaxşı motivasiya daxildən gəlir və bu sevginin verdiyi motivasiya ilə daha çox uğurlar qazanacağıma əminəm.

Əlaqə nömrəsi: (050) 358 72 72