- Aytac xanım, necə oldu ki, bu sahəyə gəldiniz?

- Kiçik yaşlarımdan uşaqlara dərs keçməyi, müəllimə olmağımı təsəvvür etmişəm. Və onu reallaşdırdım. Sağlamlıq imkanları məhdud uşaqlarla işləmək mənə zövq verir.

- Neçə ildir ki, bu sahədəsiniz?

- 2020-ci ildən. Artıq 4 il olacaq.

- İş prinsipiniz nədən ibarətdir?

- İş prinsipim uşaqlarla "Dost" kimi yanaşıb, valideyni ilə daimi əlaqədə olub, yeni metodlar öyrənərək, sim uşaqları korreksiya edərək, cəmiyyətə faydalı biri olmaqdır.

- Öz sahənizə üzrə hansı işləri icra edirsiniz?

- Hər gün araşdırmalar edirəm, təlimlərə gedirəm, kitablar oxuyuram.

- Son zamanlarda sizə daha çox nə ilə bağlı müraciətlər olur?

- Son zamanlarda ən çox müraciət nitq pozuntularından alaliya, afaziya, klonik kəkələmə, dislaliya.

- Bir mütəxəssis olaraq nəyə "yox" deyirsiniz?

- Bir loqoped olaraq valideynlərin uşaqları ilə düzgün ünsiyyət qurulmamasına, hədsiz dərəcədə uşaqların telefona baxmasına yox deyirəm. Çünki bunlar uşaqda həm beyin inkişafını, həm sosial, həm də nitq inkişafını ləngidir.

- Xarakter olaraq necə birisiniz?

- Xarakter olaraq sadə, səmimi, işimi sevən biriyəm.

- Oxuculara nə məsləhət görürsünüz?

- Oxuculara məsləhətim: Uşağınızın inkişafında hər hansısa problem hiss edirsinizsə mütləq şəkildə mütəxəssislərə vaxtında müraciət etməyiniz tövsiyə olunur. Çünki erkən müdaxilə uşaq inkişafı üçün daha yaxşı təsir edir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki, balaca balalar, onların ailəsi tərəfindən çox sevilməyim. Bu mənim işim üçün çox böyük motivasiyadır.

Əlaqə nömrəsi: (055) 386 53 91