- Röya xanım, necə oldu ki, bu sahəyə gəldiniz?

- Mən 1992-ci ildə 128 saylı orta məktəbdə birinci sinifə getmişəm. Daha sonra Firuz Bayramov adına 22 saylı orta məktəbdə təhsilini davam etdirmişəm. 2003-cü ildə orta məktəbi bitirib Azərbaycan Dövlət Pedaqoji Universitetinin filallgiya fakültəsinə daxil olmuşam. 2007-ci ildə oranı bitirib Ramiz Qasımov adına 216 nömrəli (hal-hazırda işlədiyim) məktəbdə çalışmağa başlamışam. Bu sahəyə gəlməyimə orta məktəbdə çox sevdiyim bir müəllimim səbəb olub. Mən baxaraq bu peşəni seçmisəm. Amma əvvəl jurnalist olmaq istəmişəm. Müəllimim mənə dedi ki, fakültə seçimində birinci müəllimliyi yazım, sonra jurnalistikanı. Mən də onun məsləhətinə qulaq asdım. Filalogiya fakültəsinə qəbul oldu. Onu da deyim ki, mən məktəbdə çalışmaqla bərabər onlayn televiziya kanallarının birində jurnalist kimi də fəaliyyət göstərirdim.Daha sonra iki işi bir arada aparmaq bir az çətin oldu. Mən seçim arasında qaldım və müəllimliyi seçdim. Çünki uşaqları çox sevirəm.

- Öz sahəniz üzrə hansı işləri görürsünüz?

- Mən uşaqlara yalnız təhsil vermirəm, onları həm də həyata hazırlayıram. İşlədiyim illər ərzində cəmiyyətə kifayət qədər yararlı və faydalı fərdlər yetişdirməyə bacarmışam. Mən hər şeydən öncə şagirdlərimə doğrunun tərəfində olmağı aşılamışam.

- Son zamanlarda sizə daha çox nə ilə bağlı müraciətlər olur?

- Son zamanlarda şagirdlər daha çox dinlənilməyi, danışmağı, fikir mübadiləsi aparmaq istəyirlər.

- Bir mütəxəssisi olaraq nəyə "yox" deyirsiniz?

- Müəllimlərin uşaqları sıxmasının, onlara müəyyən mənada sərbəstlik verməməsinin əleyhinəyəm.

- İş prinsipiniz nədən ibarətdir?

- İndiki uşaqların fikirləri, beyinləri daha açıqdır. Ona görə də biz hər bir uşağı dinləməyə borcluyuq. Onun həvəsini, istəyini öyrənməliyik. Hər zaman şagirdlərimin yanında olmağa çalışmışam.

- Xarakter olaraq necə birisiniz?

- Humanist biriyəm. Güzəştə getməyi bacariram. Amma onunla bərabər, yaxşılığı və pisliyi unudan deyiləm. Zamanı gələndə hər kəsə, hər şeyi qaytariram.

- Ailəlisinizmi?

- Bəli, ailəliyəm. Bir qızım var.

- Oxuculara nə məsləhət görürsünüz?

- İndiki cəmiyyət üçün yaxşı şəxsiyyət yetişdirmək çox çətindir. Çalışsınlar ki, hər zaman saf və təmiz qalsınlar. Həmişə haqqın tərəfində olsunlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, şagirdlərin tərəfindən bu qədər sevilərəm.

Əlaqə nömrəsi: (051) 344 49 46







скачать dle 10.6фильмы бесплатно