- Məleykə xanım, necə oldu ki, bu sahəyə gəldiniz?

- Məni bu sahəyə yönəldən anam olub.Onun arzusu məni müəllim görmək olduğu üçün,bu sahəni seçdim. Düzgün qərar verdiyim üçün və bu sahədəki naliyyətlər qazandığıma görə çox xoşbəxtəm.

- Neçə ildir ki, bu sahədəsiniz?

- Artıq 8 ildir ki,bu sahədə çalışıram.

- Öz sahəniz üzrə hansı işləri icra edirsiniz?

- İşlədiyim bu illərdə hər zaman təhsillə bağlı yeniliklərlə maraqlanır, öz fəaliyyətimdə bu öyrəndiklərimi tətbiq edirəm.
İxtisasım üzrə bir çox beynəlxalq səviyyəli layihələrdə iştirak edir və mükafatlarla təltif olunuram.

- İs prinsipiniz nədən ibarətdir?

- İş prinsipim şagirdlərimlə biliklərimi bölüşmək və bütün incəlikləri hər tələbəyə uyğun olaraq fərdi tədris etməkdir.
Şagirdlərimin yüksək rus dili biliyinə yiyələnməsi,məktəbəqədər hazırlıq kursuna gələnlərin yüksək nəticə göstəricisi ilə məktəbə qəbul olması, ibtidai sinif şagirdlərin bütün tədris fənləri üzrə irəlləməsi əlavə olaraq riyazi biliklərin artırılması və məntiqi təfəkkürün daha sürətli inkişafı yolunda şagirdlərimin bu və digər biliklərə yiyələnməsinə nail olduğuma görə qürur hissi duyuram.

- Son zamanlarda sizə daha çox nə ilə bağlı müraciətlər olur?

- Son zamanlar əsasən rus dilinin sıfırdan öyrədilməsi,ibtidai sinif şagirdlərinə dərs fənlərinin tədris olunması və mental arifmetika kursu ilə bağlı müraciətlər olur.

- Bir mütəxəssis olaraq nəyə "yox" deyirsiniz?

- Bəzi valideynlər övladlarına qarşı aqressiv yanaşmasına, bəzilərinin isə təhsillə bağlı məsələlərə biganəliyinə "yox" deyirəm.

- Xarakter olaraq necə birisiniz?

- Məqsədli,qətiyyətli və tələbkar olaraq məsuliyyət daşımağı sevən bir xanımam.

- Ailəlisinizmi?

- Bəli, ailəliyəm.

- Oxuculara nə məsləhət görürsünüz?

- İstər elmi, istərsə də bədii əsərlərləri mütaliə etməklərini məsləhət görürəm.
Qarşılarına qoyduqları məqsədlərinə çatmaq üçün bezmədən və yorulmadan mübarizə aparsınlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki,şagird və valideynlər tərəfindən bu dərəcədə sevilər və uğur əldə edə bilərəm. Həmçinin arzularıma çatmaq üçün bu işin həyatımda bu qədər böyük rolu olacağını düşünməzdim.

Əlaqə nömrəsi: (050) 485 60 44





скачать dle 10.6фильмы бесплатно