- Nərminə xanım, necə oldu ki, bu sahəyə gəldiniz?

- Mənim ilk ali təhsili pedaqoji təhsil olub, pedaqoji sahədə fəaliyyət də göstərmişəm. Amma psixologiya həmisə mənim dərindən   maraqlandığım sahə olub. Elə ona görə də psixologiya ixtisası üzrə ali təhsil almaq istədim və Bakı Slavyan Universitetinin sosial - psixolojı xidmət fakültəsinə daxil oldum. Fakültəni bitirəndən sonra isə fəaliyyət göstərməyə başladım. Hazırda praktik psixoloq olaraq fəaliyyətimi davam etdirirəm.

- İş prinsipiniz nədən ibarətdir?

- İnsanlara faydalı olmaq. Vətənini ən çox sevən kimdir?  --vəzifəsini ən yaxşı şəkildə icra edən.  

- Son zamanlarda insanlar sizə ən çox hansı problemlərlə bağlı müraciət edirlər?

- Müxtəlif məzmunlu müraciətlər olur. Övladının yeniyetmə dövründə münasibətlərdə çətinlik çəkməklə baglı, dərs oxumaq istəməməsilə bağlı, ailədaxili münaqişələrlə bağlı və s.

- Son zamanlarda boşanmaların sayı çoxalıb, bunu nə ilə əlaqələndirisiniz?

- Evlənərkən seçimin düzgün olmaması, cütlüklərin bir-birlərini yaxşı tanımaması, tez bir zamanda evlilik qərarı verilməsi. Başqa səbəblər də təbii ki, olur.

- Xarakter olaraq necə biridir Nərminə xanım?

- Prinsipial biriyəm, hədəf qoydummu, heç bir əngəl görmürəm.

- Ailəlisiniz?

- Bəli, ailəliyəm. İki övladım var.

- Bir psixoloq olaraq nəyə "yox" deyirsiniz?

- Sədaqətsizliyə və nankorluğa "yox" deyirəm.

- Oxuculara nə məsləhət görürsünüz?

- Evlənərkən təlsməməyi tövsiyyə edirəm. Tanış olduqdan sonra bir-birilərini tanıma dövrü 6 - 12 ay davam etsin, lütfən. Psixoloji dəstək almaq üçün təşəbbüs göstərsinlər. Çünki evlilikdən öncə bəzi insanlar rəsmən siqnal verirlər, amma insanların başları qarışır toy-nigah hazırlıqlarına, bütün bunları "sonra düzələcək" deyə göz ardı edirlər. Amma heç nə də dəyişmir. Yanlış gedən bir əlaqənin başlanğıcındakı səbəblər bitişindəki səbəblərlə bir-birinə çox bənzəyir.

Əlaqə nömrəsi: (055) 248 64 41скачать dle 10.6фильмы бесплатно