- Səidə xanım, necə oldu ki, bu sahəyə gəldiniz?

- Bu işə marağı məndə beşinci sinifdə oxuyarkən qarşıma çıxan ingilis-dili müəllimim yaratdı. Mən artıq onda qərar verdim ki, ingilis-dili müəllimi olacağam.

- Neçə ildir ki, bu sahədəsiniz?

- Artıq 22 ildir ki, bu sahədə fəaliyyət göstərirəm.

- Bu illər ərzində nə muşahidə etdiniz?

- Bu illər ərzində əvvəlki illərə nisbətən təhsilə marağın azalmasını müşahidə etdim. Daha doğrusu, maraq var, amma bir az dar çərçivədədir.

- İş prinsipiniz nədən ibarətdir?

- İşimdə məsuliyyətli olmaq əsas iş prinsipimdir.

- Öz sahəniz üzrə hansı işləri icra edirsiniz?

- Mən öz sahəm üzrə yay məktəbi layihələri, ali məktəblər üçün təhsil proqramları və s. hazırlamışam. Bundan başqa, treyninqlərdə iştirak etmişəm, öz sahəm üzrə ixtisaslaşmaq üçün xarici ölkələrə getmişəm.

- Son zamanlarda sizə daha çox nə ilə bağlı mürəciət olur?

- Daha çox abituriyent hazırlığı üçün müraciətlər olur.

- Hansı yaş qrupuna aid şagirdlərlə işləyirsiniz?

- Daha çox yuxarı yaş qrupuna aid şagirdlərlə işləməyə üstünlük verirəm.

- Bir neçə il bundan öncə ingilis-dilini öyrənmək istəyənlərin sayı daha çox idi. Amma indi bu rəqəm sanki azalıb. Razısınızmı?

- Bəli, razıyam. Bu da yəqin ki, iqtisadi əlaqələrlə bağlıdır.  İndi daha çox Çin, Koreya dilinə üstünlük verirlər. Amma ingilis-dilini bilməklə bütün Avropanı gəzmək olar.

- Ümumiyyətlə, ingilis-dilini öyrənmək üçün ortalama nə qədər zaman lazımdır?

- Əgər müəllimin dediklərini vaxtında yerinə yetirsəniz, yeddi aya tam proqramı bitirmək olar.

- Xarakter olaraq necə birisiniz?

- Deyilənə görə, xaraktercə çətin adamam. Amma əslində elə deyil (gülür).

- Bir mütəxəssis olaraq nəyə "yox" deyirsiniz?

- Qeyri-pesakarlığa qəti surətdə "yox" deyirəm. Məsələn, baxırsan ki, məktəbi bitirib, özü yeni tələbə adını qazanmış biri artıq özü şagird hazırlaşdırmağa başlayır. Bunun əleyhinəyəm.

- Bəs razı olduğunuz məqam hansıdır?

- Çoxları narazı olsa da, mən indiki gənclərdən razıyam. Məncə, indiki gənclər əvvəlki illərə nisbətən daha dünyagörüşlüdürlər.

- Oxuculara nə məsləhət görürsünüz?

- Çox oxusunlar. Kitab oxuyanların sayı çox azalıb. Amma oxumaq hər zaman lazımdır və faydalıdır.

- Mən bu sahəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, zaman gələcək və müləllimlərə belə bir münasibət olacaq və hətta mən özüm övladlarımı müəllim olmaqdan çəkindirəcəyəm.

Instagram: Englishwithsaida

Tik-tok: Englishwithsaida

скачать dle 10.6фильмы бесплатно