- Aynurə xanım, necə oldu ki, bu sahəyə gəldiniz?

- Müəllim ailəsində anadan olduğum üçün bu sahəyə daha çox marağım olmuşdur.Daim ailəmizdə təhsillə bağlı yeniliklər diqqətimi cəlb etmisdir. Zaman keçdikcə gələcəkdə mən də ata və anam kimi müəllim olacağıma qərar verdim.

- Neçə ildir ki, bu sahədəsiniz?

- 21 ildir ki, Azərbaycan dili və ədəbiyyat fənni üzrə müəllim vəzifəsində çalışıram.

- Öz sahəniz üzrə hansı işləri icra edirsiniz?

- İşlədiyim bu illərdə hər zaman təhsillə bağlı yeniliklərlə maraqlanır, öz fəaliyyətimdə bu öyrəndiklərimi tətbiq edirəm.
İxtisasım üzrə bir çox beynəlxalq səviyyəli layihələrdə iştirak edir və sertifikatlarla təltif olunuram.

- İş prinsipiniz nədən ibarətdir?

- İş prinsipim işlədiyim təhsil müəssəsində fənnimi tədris etmək,incəliklərini anlatmaqdır.
Bundan başqa ali məktəbə hazırlaşan abituriyentlərlə məşğul olmaq hobbimə çevrilib.
Yüksək nəticə göstərən ,ali məktəbə daxil olan abituriyentlər hazırladığım üçün,cəmiyyətə yararlı mütəxəssislər in yetişdirilməsində etdiyim xidmətə görə qürur hissi duyuram.

- Son zamanlarda sizə daha çox nə ilə bağlı müraciətlər olur?

- Şagirdlərimin təlim və təhsili ilə,əsasən,Azərbaycan dili və ədəbiyyat fənni üzrə hazırlıqlarla bağlı müraciətlər olur.

- Bir mütəxəssis olaraq nəyə "yox" deyirsiniz?

- Bəzi valideynlərövladlarına qarşı aqressiv yanaşmasına, bəzilərinin isə təhsillə bağlı məsələlərə biganəliyinə "yox" deyirəm.

- Xarakter olaraq necə birisiniz?

- Məqsədli və inamla mübarizə aparan, əzmkar bir xanımam.

- Ailəlisinizmi?

- Bəli,ailəliyəm. Bir övladım var,tələbədir.

- Oxuculara nə məsləhət görürsünüz?

- Qarşınıza qoyduğunuz məqsədə çatmaq üçün əzmlə çalışın.Bir gün xəyal etdikləriniz reallığa çevriləcəkdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu işi seçərkən ağlıma gəlməzdi ki,şagird və valideynlər tərəfindən bu dərəcədə sevilər və uğur əldə edə bilərəm.Azərbaycanımın və dünyanın bəzi ölkələrində istedadlı mütəxəssislərin yetişməsində rolum olacağını düşünməzdim.

Əlaqə nömrəsi: (50) 492 01 46



скачать dle 10.6фильмы бесплатно