- Səkinə xanım, necə oldu ki, bu sahəyə gəldiniz?

- Düzünü desəm, müəllim olmaq mənim uşaqlıq arzum olmayıb. İxtisas seçimimə uyğun olaraq belə alındı. Amma yaxşı yadımdadır, məktəb illərində sinif yoldaşlarıma iştirak etmədikləri dərslərdə keçilən mövzuları tənəffüs zamanı izah edirdim və “yaxşı başa salırsan” deyə məni həvəsləndirirdilər. Yalnız repetitor olduqdan sonra işimi sevməyə başladım.

- İşdən əlavə nə ilə məşğul olursunuz? Maraq dairəniz nələrdir?

- İdman və rəqslə məşğul oluram, kitab oxuyuram. Maraq dairələrimə kvantum fizikası, psixologiya, astrologiya daxildir.

- Artıq neçə ildir ki, bu sahədə çalışırsınız?

-  Yeddi ildir ki, bu sahədə fəaliyyət  göstərirəm.

- Öz sahəniz üzrə hansı işləri görürsünüz?

- Hal-hazırda tələbələrin öyrənməsini asanlaşdıracaq, əlavə vaxt itkisinin qarşısını alacaq, self - study olaraq hazırlaşanlar üçün IELTS writing kitabım üzərində çalışıram. Gələcəkdə də öz sahəm üzrə müxtəlif mövzularda kitablarım nəşr olunacaq. İnstagram səhifəmdə də müntəzəm olaraq dərslərə qoşula bilməyən tələbələr üçün aşağı büdcəli marafonlar təşkil edirəm.

- Bir mütəxəssis olaraq nəyə “yox” deyirsiniz?

- Ənənəvi metodlara, xüsusilə qrammatikanın əzbərlədilməsinə qarşıyam. Biz bunu xüsusilə bakalavr, magistr hazırlıqlarında müşahidə edirik. Universitətə hazırlaşan tələbələrə hazırlıq mərhələsində qrammatik qaydalar öyrədilərkən, sadəcə qaydaların xüsusi formulu öyrədilir və qalaq-qalaq test kitabçaları üzərində dəfələrlə işləmələri tapşırılır. Halbuki real həyatdan nümunələr gətirməklə, qrammatikanı danışığa tətbiq etməklə daha yaxşı öyrənməyə, vaxt itkisinin qarşısını almağa, danışığı daha çox inkişaf etdirməyə nail olmaq olar.

- Xarakter olaraq necə birisiniz?

- Tərs (gülür), yaradıcı, məsuliyyətli biriyəm.

- Ailəlisinizmi?

- Xeyr.

- Oxuculara nə məsləhət görürsüz?

- Dil öyrənmək istəyən oxuculara məsləhətim bu olardı ki, ilk növbədə “dil öyrənmək çətindir” fikrindən uzaqlaşsınlar, bu artıq şüuraltında öyrənməyə qarşı blokaj yaradacaq ilk səbəbdir. Dili öyrənmək üçün ilk növbədə dinləməyə üstünlük verin, nəyə marağınız varsa, həmin mövzuda videolar izləyin ( idmana marağınız varsa, idman oyunlarına ingilis dilində baxın, yemək reseptləri izləməyi sevirsizsə, ingilis dilində izləyin və s) Dili gündəlik həyatınıza tətbiq etməyə çalışın, gün ərzində minimum yarım saatınızı ayırın və ən əsası disiplinli olun. Hər gün yarım saatlıq edilən praktika həftədə 1-2 dəfə 3,4 saatlıq edilən praktikadan daha effektivdir.

- Mən bu işi seçərkən ağlıma gəlməzdi ki, …Bu fikri özünüz tamamlayın, zəhmət olmasa.

- Ağlıma gəlməzdi ki, metodikam bu qədər sevilər və nə vaxtsa kitab müəllifi ola bilərəm.

Əlaqə nömrəsi: (077) 477 21 13


скачать dle 10.6фильмы бесплатно