- Zeynəb xanım, necə oldu ki, bu sahəyə gəldiniz?

- Mənim uşaqlıqdan bu sahəyə marağım vardı. Psixologiya üzrə müxtəlif kitablar oxuyurdum, araşdırmalar aparırdım. Sonra gördüm ki artıq bu sahə üzrə irəli getmək istəyirəm. Psixologiya sahəsini dərindən öyrənmək istəyirəm.  Gəncə Dövlət Universitetinin Psixologiya fakültəsinə daxil oldum. Hal-hazırda da "Merger Group" şirkətinin psixoloquyam. Eyni zamanda da fərdi seanslar da keçirəm. Seminarlar təşkil edirəm, art terapiya təlimi tədris edirəm.

- Neçə ildir ki, bu sahədəsiniz?

- Artıq üç ildir ki, bu sahədə çalışıram.

- İş prinsipiniz nədən ibarətdir?

- İşimi və peşəmi çox sevirəm. İnsanlara əlimdən gəldiyi qədər köməklik göstərirəm. İnsanlara  gözəl xidmət etmək ən əsas iş prinsipimdir.

- Bu sahədə görmək istədiyiniz, amma görə bilmədiyiniz məqam hansıdır?

- Bu sahədə daha çox insanın mükəmməlləşməsini istəyirəm, insanların daha çox biliklərə yiyələnməsini istəyirəm. İnsanlar rahatlıqla psixoloqa mürəciət etməlidirlər. Lakin bir çoxları psixologiya elimini dəstəkləmir, psixoloqa müraciət etməkdən çəkinir.

- Psixologiya sahəsində hansı boşluqları müşahidə edirsiniz?
 
- Psixologiya elmi nə qədər qədim olsa da, günümüzdə yeni yeni inkişaf etməyə başlayır. İnsanlar sosial şəbəkələrdə neçə neçə psixoloqlar görürlər, maraqlanırlar, lakin müraciət etməkdən çəkinirlər. Bu da günümüzdəki insanların psixoloqlara yaxşı baxmadıqlarından və insanlara yalan yalnış məlumat vermələrindən irəli gəlir.

- Öz sahəniz üzrə hansı işləri icra edirsiniz?

- Mən öz sahəm üzrə bir çox işlər görürəm. Seminarlar təşkil edirəm, hal hazırda bir kitab üzərində çalışıram, insanların yararlana biləcəyi təlimlər təşkil edirəm.

- Son zamanlarda sizə daha çox nə ilə bağlı müraciətlər olur?

- Müxtəlif problemlərlə bağlı müraciətlər olur. Daha çox uşaqlarda, autizm, daun sindromları ilə bağlı, yeniyetməlik dövründəki problemlər, ailədaxili məsələlər və s. problemlərlə bağlı müraciətlər daha çox üstünlük təşkil edir.

- Bir mütəxəssis olaraq nəyə "yox" deyirsiniz?

- Mən tək psixoloq olaraq yox, həm bir insan, həm də qadın olaraq yaşından və cinsindən asılı olmayaraq bütün canlılara istər psixoloji, istərsə də fiziki zorakılığa və şiddətə qəti sürətdə "yox" deyirəm.

- Xarakter olaraq necə birisiniz?

- Mən prinsipial insanam. Öz məqsədlərimə çatmaq üçün əlimdən gələni edirəm. Çox çalışıram və məqsədlərimə çatıram. Davamlı olaraq hələ qabaqda çox planlarım var.

- Ailəlisinzimi?

- Bəli, ailəliyəm.

- Oxuculara nə məsləhət görürsünüz?

- Məsləhət görürəm ki, çox oxusunlar, çox çalışsınlar  düzgün təhlil etməyi bacarsınlar. Araşdırmalar aparsınlar. Təlimlərə, seminarlara qatılsınlar. Bu hansı sahə üzrə olur olsun, öz sahələri, peşələri üzrə mükəmməl olsunlar.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, bir gün kitab yazam. Lakin insan qarşısına məqsəd qoyursa, edə bilməyəcəyi heç bir şey yoxdur. Yetər ki , məqsədiniz olsun.

Əlaqə nömrəsi: (055) 796 13 08

Instagram: psixoloq_abdurahmanova

скачать dle 10.6фильмы бесплатно