- Kəmalə xanım, necə oldu ki, bu sahəyə gəldiniz?

- Əslində tibb sahəsini seçmək fikrim var idi. Təsadüfən elə alındı ki, müəllimliyə sənəd verdim və  qəbul oldum.

- Neçə ildir ki, bu sahədəsiniz?

-  35 ildir ki, bu sahədəyəm.

- Bu illər ərzində nə müşahidə etdiniz?

- Müəllim işinin necə dəyərli olduğunu, gələcək nəsillərə necə tövhə verdiyimi müşahidə etdim. Mənim dərs dediyim şagirdlər indi qarşıma uğurlu şəxs kimi çıxırlar.

- Bu sahədə görmək istədiyiniz, amma görə bilmədiyiniz məqam hansıdır?

- Valideynlə müəllim əməkdaşlığı. Müəllim səylə çalışır, həmin səyi valideyn müəllim qədər uşağının oxumağının üzərinə düşmədikdə o zaman müəllim valideyn iş birliyi alınmır.

- İş prinsipiniz nədən ibarətdir?

- Tək iş prinsipim gələcəyi dövlətə, millətə və öz ailəsinə xeyrli olan bir şəxsiyyət yetişdirməkdir.

- Xarakter olaraq necə birisiniz?

- Əslində çox mülayim və kövrək biriyəm, amma kənardan baxan məni zəhmli biri kimi görür.

- Oxuculara nə məsləhət görürsünüz?

- Məsləhət görürəm ki, uşağın bir şəxsiyyət kimi formalaşmasına, gələcəyinə ümid ilə baxmasına ilk başlanğıc səbəb bünövrədir. Bu bünövrəni düzgün qoymaq üçün valideynlər müəllimlərlə iş birliyi etməlidirlər.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, həm uşağlarla sevgi bağım daha güclü olar, həm də illər sonra onlarla uğurlu şəxsiyyət kimi salamlaşaram.


скачать dle 10.6фильмы бесплатно