- Əminə xanım, necə oldu ki, bu sahəyə gəldiniz?

- Mən Bakı Dövlət Universitetinin beynəlxalq münasibətlər fakültəsini bitirmişəm. Bir müddət dövlət işində işləmişəm. Uzun illər şahmatla məşğul olmuşam. Dövlət qurumundan çıxdıqdan sonra qərara gəldim ki, özümü şahmat üzrə inkisaf etdirim və bu sahədə uşaqlar hazırlayım. Yeddi ilə yaxın bu sahədə fəaliyyət göstərdim. Özümə kurs açmaq niyyətim var idi. Amma elə bir şərait yarandı ki, kiçik bir mərkəz yaratdıq. Övladımı sırf qidalanma baxımından əmanət edə biləcəyim bir bağça yox idi. Ona görə də sonra belə bir bağçanı ərsəyə gətirdik.

- Artıq neçə ildir ki, fəaliyyət göstərirsiniz?

- Dörd ildir ki, fəaliyyət göstəririk.

- İş prinsipiniz nədən ibarətdir?

- Sevgi, diqqət və qayğı mənim üçün birinci şərtdir. İkincisi isə sağlam qidalanmadır. Bu məsələ bizim üçün çox önəmlidir.

- Bağcanızda uşaqlara hansı xidmətlər göstərilir?

- Bizim yeddi qrupumuz var. Uşaqları doqquz aydan etibarən qəbul edirik. Hər yaş qrupunun özünün tədris proqramı var. Həftədə dörd dəfə ingilis-dili dərslərimiz olur. Bundan başqa, rəqs, gimnastika, şahmat, rəsm və s. dərnəklərimiz də fəaliyyət göstərir.

- Bağçaya maksimum nə qədər uşaq qəbul edirsiniz?

- Hazırda 125 uşaq var. Amma bu rəqəmi 150-qədər qaldırmaq imkanımız var.

- Özəlliyiniz necədir?

- İlk növbədə sağlam qidalanmadır. Bundan başqa, valideyn bağçanın rəhbəri ilə birbaşa təmasda ola bilir. İradlarını və təkliflərini asanlıqla bildirə bilirlər.

- Xarakter olaraq necə birisiniz?

- Səbrli və təmkinli biriyəm. Uşaqlarla asanlıqla dil tapmağı bacarıram.

- Bir mütəxəssis olaraq nəyə "yox" deyirsiniz?

- Bağçalarda keyfiyyətsiz məhsullardan istifadə edilməsinə qəti surətdə "yox" deyirəm.

- Valideynlərə nə məsləhət görürsünüz?

- Bəzən valideynlərə uşağın hansısa bir problemini dedikdə, onu qəbul etmək istəmirlər. Valideynlər bizimlə birlikdə o problemi həll etmək istəsə, həmin problemi daha tez həll edərik. Bir də ki, bəzi valideynlər bizə uşaqlarını əmanət etdikdə onun hansısa bir probleminin olduğunu demir. Sanki çəkinir, utanır. Biz onsuz da uşağı burada formalaşdırırıq. Amma valideynlərin uşaq haqqında hər bir şeyi bizə öncədən desələr, çox yaxşı olar. Çünki bizim məqsədimiz cəmiyyət üçün sağlam və faydalı fərdlər yetişdirməkdir.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, qısa zaman kəsiyində bu qədər uğur əldə edərəm, bu yerə gələrəm və rəqabətə səbəb olacaq bir bağça yaradaram.

Əlaqə nömrəsi: (051) 394 34 44



скачать dle 10.6фильмы бесплатно