- Afaq xanım, necə oldu ki, həkim oldunuz?

- Mən hər zaman insanlara kömək etməyi, onları dinləməyi sevmişəm. Yəqin, həkim olmaq arzum da bununla bağlı olub.

- Niyə məhz oftalmologiyanı seçdiniz?

- Mən pediatriya fakültəsini bitirmişəm, hələ universitetdə oxuyan vaxtlarımdan eynək taxan uşaqları görəndə onlara xüsusi həssaslıqla yanaşmışam, bəlkə də göz həkimi olmağım da məhz burdan qaynaqlanıb.

- Neçə ildir ki, bu sahədəsiniz?

- 2006-cı ildən Z.Əliyeva adına Göz İnstitutunda İnterna olduğum vaxtlardan bu işlə məşğulam.

- Öz sahəniz üzrə hansı işləri icra edirsiniz?

- Göz xəstəliklərinə aid bütün müalicə və müayinə işlərini icra edirəm.

- Hansı yaş qrupuna aid insanlarla çalışırsınız?

- Bir göz həkimi olaraq hər yaş qrupundan olan pasiyentləri qebul edirəm, daha çox 3 yaşdan yuxarı pasiyentlər bizə müraciət edir.

- İş prinsipiniz nədən ibarətdir?

- İnsanlara kömək etmək, onları dinləmək mənim ən əsas iş prinsipimdir.

- Xarakter olaraq necə birisiniz?

- Xaraktercə planlı və məsuliyyətli biriyəm. Bütün işlərimdə dəqiqliyi sevirəm.

- Ailəlisinizmi?

- Bəli, ailəliyəm. İki övladım var.

- Oxuculara nə məsləhət görürsünüz?

- Bir göz həkimi olaraq oxucularıma ən vacib tövsiyyəm gözlərinin qayğısına qalsınlar, vaxtaşırı göz müayinəsindən keçsinlər. Göz insanın ətrafdan informasiyanı ala biləcəyi ən mühüm orqandır.

- Mən bu peşəni seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Ağlıma gəlməzdi ki, məhz oftalmoloq olacağam.

Əlaqə nömrəsi: (099) 503 03 43






скачать dle 10.6фильмы бесплатно