- Nurdan xanım, necə oldu ki, bu sahəyə gəldiniz?

- Uşaqlıqdan kimlərəsə nəyisə izah edib, öyrətmək hissi o qədər çox idi ki, qohumlarım uşaqları yığıb, müəllim tələbə oyunu oynayardıq. Əlbəttə ki, mən müəllim olurdum (gülür). Həmin həvəs mən bu sahəyə gətirdi.

- Necə ildir ki, bu sahədəsiniz?

- Artıq beş ildir ki, bu sahədə fəaliyyət göstərirəm.

- Öz sahəniz üzrə hansı işləri icra edirsiniz?

- Hal-hazırda Azərbaycan İqtisad Universitetində xarici dil müəllimi kimi işləyirəm. Və universitetdən əlavə qalan zamanlarda öz kursumda dərs keçirəm.

- Son zamanlarda sizə daha çox nə ilə bağlı müraciətlər olur?

- Son zamanlarda müraciət edən tələbələrin əksəriyyəti ingilis dilində danışığın qısa müddətdə artılmasını istəyirlər. Bir də əsas məsələ çox oxumadan, ev tapşırığı olmadan zəhmət çəkmədən dili asanlıqla öyrənmək istiyirlər. İmkansız deyil, amma çox vaxt aparır ki, bu da onların nəzərdə tutduqları vaxtdan uzun olur.

- Bir mütəxəssisi olaraq nəyə "yox" deyirsiniz?

- Dil öyrətmək qıraqdan çox asan kimi görünə bilər. Nədir ki, iki sözü ard-arda deyib gedirsən. Amma elə deyil. Hər tələbənin psixologiyası, öyrənmə qabiliyyəti, öyrənməyə ayırdığı vaxt, o dillə bağlı keçmişi, həyat tərzi, məqsədləri fərqlidir. Bu nüansların göz ardı edilməsinə, şəxsiyyətinə toxunulmasına, onu digərlərindən seçməyə "yox" deyirəm. Müəllim eyni zamanda psixoloq olmalıdır. Ümumiyyətlə, peşəkar müəllim tələbənin tədrisdə müddətində etdiyi səhvə görə tələbənin şəxsiyyətinə dəyməyə, alçatmağa haqqı yoxdur. Müəllim yalnız bir dili tədris edən yox yeri gələndə psixoloq, yeri gələndə dost olmalıdır. Çünki bizim etdiyimiz xırda səhv o insanın həyatında böyük tramvalara səbəb ola bilər.

- Xarakter olaraq necə birisiniz?

- Bunla bağlı mənim deyil, tələbələrimin fikrini alsaq, daha yaxşı olar. Tələbələrimin dediyə görə, səmimi, pozitiv, düşüncəli, izah etmə qabiliyyəti yüksək biriyəm. Onu deyə bilərəm ki, dərsdə həm əylərənərək, öyrənəcəkləri bir mühit yaratmağa çalışıram. Özlərini rahat hiss etsinlər. Çünki  işim həm mənim tutqum, həm də hobbimdir. Dərs ürəyim istədiyi kimi keçəndə dincəlirəm.

- Ailəlisinizmi?

- Xeyr, subayam.

- Oxuculara nə məsləhət görürsünüz?

- Ruhunuza, sağlamlığınıza və təhsilinizə yatırım edin. Unutmayın ki, ağıl, zəhmət və imanla əksər məsələlərin öhdəsindən gəlmək olar. Bu yazını oxuyan universitet tələbələri yaxud aburiyentlərdisə o zaman təhsilinizin ilk illərini xarici dillər öyrənməyə ( xüsusilə də ingilis dili çünki müsbət cəhət deyil, məcburiyyət kimi bir şeydir), sosial ətrafınızı genişləndirməyə sonrakı ilərdə isə öz sahəsinizin və ya işləmək istədiyiniz sahənin mütəxəssisi olun. Universitetin son illərində işləmək sizə öz sahənizdə çox uğur gətirə bilər.

- Mən bu işi seçərkən ağlıma gəlməzdi ki,.. Bu fikri özünüz tamamlayın, zəhmət olmasa.

- Mən bu peşəni seçərkən ağlıma gəlməzdi ki, peşəmə aşiq olacağam. Var olma səbəbini müəllimlikdə tapacağam, həyat tərzimə çevriləcək və bu qədər tanınıb, tələbələrimin dostuna çevriləcəyəm.

Əlaqə nömrəsi: (070) 207 99 19скачать dle 10.6фильмы бесплатно