- Ülviyyə xanım necə oldu ki, bu sahəyə gəldiniz?

-1992-ci ildə Azərbaycan Tibb Universitetini bitirdim və həkim kimi fəaliyyətə başladım. Bu illər ərzində kosmetologiya daim diqqətimi cəlb edirdi. Çox maraqlı və cazibədar bir sahədir. Anadangəlmə və ya yaşla bağlı dəyişikliklərin korreksiyası zamanı elə anındaca nəticə əldə etmək gözəl bir hissdir. Pasientlə bərabər həkim də bu dəyişimi seyr edərkən zövq alır! Çünki gözəllik yaratmaq çox möhtəşəm bir duyğudur. Mənim sloqanım da belədir: "Gözəl olmaq hər bir xanımın haqqıdır!"

- Bu sahə üzrə nə vaxtdan fəaliyyət göstərirsiniz?

- İlk dəfə 2015-ci ildə Bakıda, daha sonra 2016-cı ildə Türkiyədə kurslarda oldum. Daim öz üzərimdə çalışıram. Bu gün də təkmilləşmək üçün praktik dərslər alaraq, bu sahənin incəliklərini öyrənirəm.

- Xarakter olaraq necə birisiniz?

- Sadə və mehriban, hər kəslə yola gedə bilən biriyəm.

- Sizə daha çox nə ilə bağlı müraciət edirlər?

- Daha çox saç tökülməsi və saqqal seyrəkliyi ilə bağlı müraciət olunur. Saç tökülmənin qarşısı alındıqdan sonra yatmış follikullar oyanır və boş sahələr tük örtüyü ilə tutulur. Əlbəttə ki, bu mərhələli şəkildə həyata keçirilir və kifayət qədər zaman (minimum 2-3 ay) tələb edir. Qeyd etmək istərdim ki, hər hansı prosedura başlamazdan əvvəl mütləq şəkildə anamnez toplayıb pasientin yanaşı gedən xəstəliklərini müəyyənləşdirdikdən sonra, uyğun prosedur seçilir və tətbiq edilir. Hər zaman pasientin istəyi nəzərə alınaraq birgə seçim edirik.

- Oxuculara nə tövsiyə edərdiz?

- Hər şey vaxtında edildikdə daha effektli və gözəl olur. Bəzən xanımlarımız hansısa prosedurun vaxtını ötürürlər və 70-75 yaşında gəlib məsələn, botoks istəyirlər. Qeyd edim ki, əgər botoks elətdirmək istəyirlərsə bunu dinamik qırışlar statik qırışlara keçməzdən əvvəl etdirsinlər.

- Mən bu işi seçərkən ağlıma gəlməzdi ki... Bu fikri özünüz tamamlayın, zəhmət olmasa.

- Ağlıma gəlməzdi ki, bir gün bu əsrarəngiz sahəyə - estetikaya qoşulacam...

Əlaqə nömrəsi: (050) 585 58 05


скачать dle 10.6фильмы бесплатно